BolgeXeber.Com » Xəbərlər » Nardaran meydanı təmizlənir: cənazə namazı qılınacaq

Nardaran meydanı təmizlənir: cənazə namazı qılınacaq

30-11-2015, 18:26

Oxunub: 3 279 Nardaran meydanı təmizlənir: cənazə namazı qılınacaq

Nardaranda "İmam Hüseyn" meydanı Sabunçu Rayon İcra Hakimiyyəti tərəfindən təmizlənir

Musavat.com-un Nardaranda olan reportyoru xəbər verir ki, polislə silahlı toqquşmada ölənlərin meyitinin əvvəlcə meydana gətiriləcəyi və burada cənazə namazı qılınacağı gözlənilir.

Ölənlərin sayının 5 olduğu bildirilir, amma kənd sakinlərinin dediyinə görə, bu rəqəm dəqiq deyil və ölü sayı çox da ola bilər: "Biz də mətbuatda yazılandan bilirik ki, 5 nəfər ölüb. Amma çox olduğunu da deyənlər var. Daha dəqiqini cənazələri gətirəndə biləcəyik".

Qeyd edək ki, noyabrın 26-dan kənd sakinləri tərəfindən qurulan postlar sökülüb. "İmam Hüseyn" meydanı boşaldılıb. Nardaran camaatı meyitlərin verilməsini, elektrik enerjisinin bərpa edilməsini gözləyir.
Bolgexeber.com

Kəndə avobusun hərəkəti tam bərpa olunub. Elektrik enerjisi verilmədiyindən telefon xətləri də işləmir.

Çox Oxunanlar