BolgeXeber.Com » Xəbərlər » Sahibkardan başçıya 150 minlik rüşvət - İttihamı

Sahibkardan başçıya 150 minlik rüşvət - İttihamı

4-12-2015, 16:18

Oxunub: 3 952

Sahibkar Nadir Liftiyev Xətai rayon icra başçısına rüşvət verdiyini açıqlayıb

Bolgexeber.com AzMedia.info-ya istinadən xəbər verir ki, iş adamı tikintini başa çatdırmaq üçün bu addımı atdığını söyləyib.

Sahibkar iddia edib ki, Razim Məmmədova 150 min manat rüşvət verib.

Mehdi Hüseynov Ələkbər oğlu bildirib ki, o, bir müddət əvvəl rəhbərlik etdiyi səkkiz nəfərdən ibarət briqada ilə birlikdə əslən Lerikdən olan Liftiyev Nadir Bəbir oğluna məxsus ticarət obyektinin təmir işlərində çalışıb. İşlərin başa çatmasından artıq xeyli müddət keçsə də, Nadir Liftiyev işçilərə yaranmış 3680 manat məbləğində borcu ödəmək istəmir. Həm də özünə haqq qazandırmaq üçün bu sahibkar olduqca maraqlı dəlillər gətirir.

Mehdi Hüseynov bildirib ki, işlədikləri obyekt paytaxtın Babək prospektində (Daxili Qoşunlar hərbi hissəsinin yaxınlığında) yerləşir.

Şikayətçinin sözlərinə görə, ona məlum olmayan səbəblərdən obyektdə gedən təmir-tikinti işləri müxtəlif vaxtlarda iki dəfə Xətai Rayon İcra Hakimiyyətinin əməkdaşları tərəfindən dayandırılıb, lakin sonradan davam etdirilib.

İndi isə işçilərin pulunu vermək istəməyən Nadir Liftiyev belə bir iddia irəli sürür ki, Razim Məmmədova 150 min manat məbləğində rüşvət verib. Və məhz bu səbəbdən də onun indi işçilərə verməyə pulu qalmayıb.
Qarşı tərəfi də dinləməyə hazırıq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]