"Tələbələrin az qala 30 faizi “aylığa” buraxılıb"... - Qazaxda təhsil problemi
10-12-2015, 11:57
Oxunub: 1 476
Qərb bölgəsində adı saxtakarlıqda, qanun pozuntularında ən çox hallanan təhsil müəssisələrindən biri , bəlkə də, elə birincisi Qazax Dövlət Sosial-İqtisad Kollecidir
Müasir təhsil sistemində nə qədər çatışmazlıqlar, neqativ hallar mövcuddursa, onların hamısına burada rast gəlmək mümkündür. Kollecə uzun illərdir ki, Elşad Quliyev rəhbərlik edir. Bu müddət ərzində onun “fəaliyyəti” ilə bağlı KİV-də dəfələrlə konkret faktlar əsasında yazılar dərc edilib. Lakin ona indiyə qədər “gözün üstə qaşın var” deyən tapılmayıb. Ara-sıra yoxlama məqsədilə gələn səlahiyyətli şəxslər də sonradan sakitcə çəkilib gediblər. Təbii ki, bütün bunlar Elşad Quliyevə havadarlıq edən yüksək vəzifə sahibinin sayəsində mümkün olub.
Kollecdəki real vəziyyət haqqında konkret təəssürat yaratmaq üçün bir neçə məqama diqqət yetirmək yerinə düşər. Hər şeydən əvvəl qeyd edək ki, kollecin maddi –texniki bazası çox bərbad vəziyyətdədir. Məsələ burasındadır ki, bərk və yumşaq inventarların, kompüter avadanlaqlarının alınması, eləcə də təmir-abadlıq işləri üçün ayrılan vəsaitin çox hissəsi direktor tərəfindən mənimsənilib və sənədlərdə şişirdilmiş qiymətlər öz əksini tapıb.
Kollecdə çox sayda “ölü canlar” saxlanılır və onların məvaciblərini Elşad Quliyev bilir ki, kim alır. Tələbələrin az qala 30%-i “aylığa” buraxılıb. Həmin tələbələr imtahanlara və “aylığa” görə, semestr ərzində 700-800 manat pul ödəyirlər. Dərsə gündəlik gəlib-gedənlər isə oxuyub-oxumamalarından asılı olmayaraq, hər semestr 250-300 manat xərcə düşməli olurlar. Adı kollecdə, özləri isə başqa yerlərdə olan müəllim və tələbələrin maaş və təqaüd kartları da özlərində deyil. Elşad Quliyevə baş ucalığı gətirməyən əməllərindən biri də domino, nərd “xəstəsi” olmasıdır. Belə ki, Elşad müəllim günün istənilən vaxtında fürsət tapan kimi özünü kollecin qarşısındakı çayxanaya çatdırır və burada dostları ilə saatlarla domino oynayır. Direktorun bu hərəkətini kollecin bütün müəllim və tələbə kollektivi demək olar ki, hər gün müşahidə edir. Belə olan təqdirdə kollecdə hansı nizam-intizamdan, qarşılıqlı hörmətdən və uğurdan danışmaq olar? Mövzunu davam etdirəcəyik.
Faktinfo.az
Çox Oxunanlar
- 8-06-2022, 14:00 : Ali Məhkəmə Qoca Səmədovun cəzasını azaltdı
Gündəm
- 2-06-2022, 14:30 : “Quru sərhədləri açılmalıdır, ancaq bu şərtlə ki,...” - Deputat
Müsahibə-Reportaj
- 10-06-2022, 17:26 : Milli qurtuluş günü sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür
Siyasət
- 8-06-2022, 16:30 : Bakıda bu çimərliklərdən istifadə etmək olmaz - Siyahı
Gündəm
- 6-06-2022, 16:02 : Kamaləddin Qafarov: “Bu sərgi neft-qaz sənayesi üzrə vacib beynəlxalq platformadır”
Siyasət
- 7-06-2022, 18:51 : Kamran Əliyev rayon prokurorlarına göstərişlər verdi
Gündəm
- 7-06-2022, 18:40 : Tərtərdə vətəndaşların müraciətlərinə həssaslıqla yanaşılır
Bölgə
- 7-06-2022, 17:37 : Bakıda qanunsuz parkinq salan Xalq artisti: “Nə istəyirsiniz məndən?”
Gündəm
- 8-06-2022, 16:13 : “Uşaqların doğulanadək cins seçiminə Yox deyək!” adlı maarifləndirici tədbir keçirilib
Sosial
- 3-06-2022, 17:31 : “Ayağımdan gələn iy heç sənin ən bahalı ətrindən gəlmir” - Pərvin
Şou-Biznes