BolgeXeber.Com » Xəbərlər » Axtarışlar nəticə verməyib - “Günəşli” hələ də yanır

Axtarışlar nəticə verməyib - “Günəşli” hələ də yanır

15-12-2015, 12:02

Oxunub: 2 611

Günəşli” yatağında baş verən hadisə zamanı itkin düşən şəxslərin axtarışları davam edir

Bu gün Fövqəladə Hallar Nazirliyinin (FHN) 3 gəmisi, Dövlət Sərhəd Xidmətinin (DSX) 2 gəmisi, SOCAR-ın isə 1 gəmisi axtarışa başlayıb.

Bu barədə “Azneft” İstehsalat Birliyindən (İB) məlumat verilib.

Bildirilib ki, Fövqəladə Hallar Nazirliyinin 3 helikopteri, 1 təyyarəsi və Dövlət Sulardan Xilasetmə Xidmətinin canlı qüvvəsi sahilboyu axtarışları davam etdirir.

Axtarışlar hələlik heç bir nəticə verməyib.

Qeyd olunub ki, hazırda “Günəşli” yatağında yanğın davam edir və yanğının söndürülməsi üçün ABŞ-dan gətirilən xüsusi qurğular dənizdə quraşdırılıb.

Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağında faciə baş verib. Hadisə zamanı 33 nəfər xilas edilib, 7 nəfər həlak olub.

Hazırda 23 nəfərin axtarışı davam etdirilir.

Çox Oxunanlar