Şabranda rüşvət alması gizli kamera ilə çəkilən nazirlik rəsmisi həbsdən azad edildi
4-01-2016, 20:32
Oxunub: 4 095
11 il müddətinə azadlıqdan məhrum edilmiş Əmək və Əhalinin Sosial Müdafiəsi Nazirliyinin 14 saylı Tibbi Sosial Ekspert Komissiyasının sabiq sədri İmran Məmmədov həbsdən azad olunubİ.Məmmədov 2013-cü ildə Şabran rayon sakininin Baş prokuror yanında Korrupsiyaya qarşı mübarizə idarəsinə müraciətindən sonra tutulmuşdu. Şikayətçi bildirmişdi ki, İmran Məmmədov ona əlillik dərəcəsinin təyin edilməsi üçün rüşvət tələb edir.
İdarənin əməkdaşlarından ibarət istintaq-əməliyyat qrupu tərəfindən komissiyanın inzibati binasında məhkəmənin müvafiq qərarına əsasən əməliyyat-axtarış fəaliyyətinin gedişində əldə edilmiş materiallarla vətəndaşın müraciətində göstərdiyi xüsusatlar öz təsdiqini tapmışdı. Sabiq sədrin otağına yerləşdirilən gizli kamera ilə onun xidməti otağında Şabran şəhər sakini Mircabbar Hüseynovdan bacısı Yeganə Abdullayevaya ömürlük əlillik dərəcəsinin təyini üçün 1500 manat məbləğində pulu rüşvət kimi alması qeydə alınmışdı. Bundan başqa İ.Məmmədovun eyni məqsədlə ona müraciət edən M.Hüseynovun digər bacısı Qərənfil Abdullayevadan da 1000 manat məbləğində pulu təkrarən rüşvət kimi alması da gizli kameranın yaddaşına həkk olunmuşdu.
Baxış zamanı İ.Məmmədovun xidməti otağından 3 min 600 manat pul, müxtəlif şəxslərin adına olan müayinə işləri və digər sənədlər, yaşadığı evdən isə 31 ədəd bankomat kartları və 15 min 340 manat məbləğində pul aşkar edilərək maddi sübut kimi götürülüb. Cinayət Məcəlləsinin 311.3.2-ci (təkrar rüşvət alma) 312.1-ci (rüşvət vermə) maddələri ilə ittiham edilən İ.Məmmədov 2014-cü ildə məhkəmə qarşısına çıxarılmışdı.
Həmin ilin aprelində hakim Əfqan Hacıyevin sədrliyi ilə keçirilən prosesdə İ.Məmmədov 11 il müddətinə azadlıqdan məhrum edilib. 2 illik məhkumluq həyatından sonra İ.Məmmədov həbsdən buraxılıb.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
