Bizimlə əlaqə | Reklam
BolgeXeber.Com » Xəbərlər » Balakəndəki partlayışla bağlı cinayət işi açıldı

Balakəndəki partlayışla bağlı cinayət işi açıldı

5-01-2016, 11:19
Oxunub: 3 476 Balakəndəki partlayışla bağlı cinayət işi açıldı Xəbər verdiyimiz kimi yanvarın 4-də Balakən rayonunda fəaliyyət göstərən “Azəryem Sənaye” MMC-yə məxsus zavodun ərazisində bir nəfərin ölümü, iki nəfərin xəsarət alması ilə nəticələnən partlayış baş verib

Baş Prokurorluğunun mətbuat xidmətindən Bolgexeber.com-a verilən məlumata görə hadisə ilə əlaqədar Balakən rayon prokurorluğunda Cinayət Məcəlləsinin 162.2-ci (əmək mühafizə qaydalarını pozma, ehtiyatsızlıqdan insan ölümünə səbəb olduqda) və 223.2-ci (partlayış təhlükəli obyektlərdə təhlükəsizlik qaydalarını pozma, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddələri ilə cinayət işi başlanmışdır.

Dərhal Prokurorluq, Fövqəladə Hallar Nazirliyi, “Azəriqaz”, Ədliyyə Nazirliyinin Məhkəmə Ekspertizası Mərkəzinin mütəxəssislərinin və Məhkəmə Tibbi-Ekspertiza və Patoloji Anatomiya Birliyinin ekspertinin iştirakı ilə hadisə yeri və meyitə baxış keçirilmişdır. Hadisənin səbəblərinin müəyyənləşdirilməsi məqsədilə müvafiq ekspertizalar təyin edilmişdir.

Hazırda rayon prokurorluğunda iş üzrə zəruri istintaq tədbirləri davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]