Bizimlə əlaqə | Reklam
BolgeXeber.Com » Xəbərlər » Ər evdə istilik olmadığından şikayət edən arvadını öldürdü

Ər evdə istilik olmadığından şikayət edən arvadını öldürdü

6-01-2016, 12:45
Oxunub: 3 411 Ər evdə istilik olmadığından şikayət edən arvadını öldürdüFüzuli rayonunda dəhşətli qətl hadisəsi baş verib

Füzuli Rayon Polis Şöbəsindən virtualaz.org-a bildiriblər ki, rayonun Bala Bəhmənli kənd sakini, 1978-ci il təvəllüdlü Gəncəvi Zöhrab oğlu Sadıqov şəxsi mənzilində, aralarında yaranan mübahisə zəminində həyat yoldaşı, 1984-cü il təvəllüdlü Vüsalə Hidayət qızı Əsədovanın boğazını kəsib.

31 yaşlı qadın aldığı bıçaq yaralarından hadisə yerindəcə dünyasını dəyişib. Hadisə ailənin iki azyaşlı övladının gözü qarşısında baş verib.

Hazırda rayon hüquq-mühafizə orqanlarının əməkdaşları hadisə yerində araşdırma aparırlar.

Faktla bağlı Füzili Rayon Prokurorluğunda cinayət məcəlləsinin 120-ci (qəsdən adam öldürmə) maddəsi ilə cinayət işi açılıb.

İlkin məlumata görə, ərlə arvadı arasında mübahisə evdə istiliyin olmaması səbəbindən yaranıb. Arvadı gileylənib ki, evdə istilik yoxdur, uşaqlar soyuqdan donur, o isə bir ər kimi buna heç bir əncam çəkmir.

Bu söz ev sahibinin xoşuna gəlməyib, onu özündən çıxarıb və... sonu məlumdur.

Rayon polisindən o da bildirilib ki, bu ailədə həmişə qalmaqal olub. Məhz bu səbəbdən də Sadıqovlar ailəsi "problemli ailə" kimi polisdə qeydiyyata götürülübmüş.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]