BolgeXeber.Com » Xəbərlər » “Ağdam məktəblərində “şagird alveri” gedir” - Təhsil nazirinə məktub var

“Ağdam məktəblərində “şagird alveri” gedir” - Təhsil nazirinə məktub var

11-01-2016, 10:47

Oxunub: 3 899 “Ağdam məktəblərində “şagird alveri” gedir” - Təhsil nazirinə məktub var

Yenicə direktor təyin olunan Səbahət Əmirova da verdiyi 15 min manatı daha tez qazanmaq məqsədi ilə şagirdi olmadığı halda sinif komplektlərinin sayını artırmış, bununla yanaşı məktəbdə fənn müəllimlərinin xəbəri olmadan adlarına xəstəlik vərəqələri açdırır

Ağdam rayon Hacıturallı kənd orta məktəbinin keçmiş direktoru Sevil Qarayeva “AzPolitika.info” saytı vasitəsilə təhsil naziri Mikayıl Cabbarova, maliyyə naziri Samir Şərifova, Baş prokuror Zakir Qaralova şikayət ərizəsi ünvanlayıb. Həmin məktubu qısa ixtisarla və zəruri redaktə ilə dərc edirik:

“Ağdam təhsilini bazara çevirən adamlar onsuz da ağır durumda olan rayon təhsilini daha acınacaqlı vəziyyətə salıblar. Rayonun 19, 34, 78, 85, 87, 93 saylı məktəblərinin şagirdləri olmadığı halda, “şagird alveri” əsasında fəaliyyətinə şərait yaradılır və külli miqdarda dövlət vəsaiti mənimsənilir. 2015-ci ilin sentyabr ayında Ağdam Təhsil Şöbəsinin müdir əvəzi Rahil Allahverdiyev rayon sakini Səbahət Əmirovanı Təhsil Nazirliyi ilə razılaşdırmadan 87 saylı köçkün tam orta məktəbinə direktor təyin etmişdir.

Yenicə direktor təyin olunan Səbahət Əmirova da verdiyi 15 min manatı daha tez qazanmaq məqsədi ilə şagirdi olmadığı halda sinif komplektlərinin sayını artırmış, bununla yanaşı məktəbdə fənn müəllimlərinin xəbəri olmadan adlarına xəstəlik vərəqələri açdırır, hər ay xəstəlik vərəqinə verilən pulları mənimsəyir. Hətta sənəddə “müalicədə” olan müəllimlər həmin tarixlərdə sinif jurnallarını da özləri yazırlar. Məlumat üçün bildirək ki, Səbahət Əmirova əvvəllər rayonun 18 saylı köçkün məktəbində müəllim işləyib və məktəbşünaslıqdan heç xəbəri olmayan adam kimi tanınır. Səbahət Əmirova məktəbə direktor təyin olunduqdan sonra Rahil Allahverdiyevə 3 min manatdan pul verərək qanunsuz olaraq məktəbə 3 nəfər müəllim əmri almışdır. Sanki Ağdam təhsilindən Respublikanın xəbəri yoxdur. Bütün qanunsuz işlər 87 saylı məktəbdə baş verir.

Xahiş edirəm mənim iştirakımla məktəbdə yoxlama aparıb, qanunsuz xəstəlik vərəqələrini üzə çıxarasınız”.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]