BolgeXeber.Com » Xəbərlər » İcra başçısı sakinlərin evini yandırır? - ŞOK İDDİA

İcra başçısı sakinlərin evini yandırır? - ŞOK İDDİA

14-01-2016, 10:38

Oxunub: 3 366

Sakinlər qeyd edirlər ki, artıq gecələr belə yata bilmirlər

Pirallahı rayonun icra başçısı Vasif İmanovla bağlı Qaynar.info-ya şok məlumat daxil olub. İddia olunub ki, icra başçısı sakinlərin evlərini yandırır. Pirallahı rayon Səməd Vurğun küçəsində yaşayan sakinlərin verdiyi məlumata görə, onların yaşadıqları ərazinin bir hissəsi yol kənarı olduğu üçün plana düşüb.

Plana düşən ərazilərin söküntüsü zamanı da sakinlərə kompensasiya verilməyib. Və söküntüdən sonra mənzillərdən qalan materiallar da mənimsənilib. Bu azmış kimi icra başçısı digər evlərin də yararsız hala salınaraq sökülməsi üçün inanılmaz yola əl atıb.

Son bir ay içində Pirallahı rayonunda 10-a yaxın ev yanıb. Maraqlısı isə budur ki, yanğınla bağlı heç bir araşdırma aparılmayıb və bunun hansı səbəbdən baş verməsi müəyyənləşdirilməyib.

Sakinlər iddia edirlər ki, bütün bunları İcra Hakimiyyəti bilərəkdən edib. Məqsəd isə ərazini yararsız hala salıb, heç bir təzminat ödəmədən insanları evlərindən köçürməkdir.

Sakinlər qeyd edirlər ki, artıq gecələr belə yata bilmirlər. Yaradılmış xüsusi qruplar əraziyə nəzarət edirlər ki, yanğın baş vermsin.

Bənzər yanğın hadisələri rayonun Süleyman Bağırov küçəsində də baş verib.

Pirallahı rayon İcra Hakimiyyətindən sakinlərin iddialarına münasibət öyrənməyə çalışsaq da, istəyimiz baş tutmadı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]