BolgeXeber.Com » Xəbərlər » Bakıda “qara bazar” da var, “exchange” də: 1 dollar = 1.70 manat

Bakıda “qara bazar” da var, “exchange” də: 1 dollar = 1.70 manat

16-01-2016, 10:14

Oxunub: 4 605

Limit isə 1000 manatdır

Yanvarın 13-dən etibarən Mərkəzi Bankın İdarə Heyətinin təsdiqlədiyi “Mübadilə şöbələrinin təşkili və mübadilə əməliyyatlarının aparılması Qaydaları”na əsasən “exchange”lər bağlanıb. Bu qərardan sonra bütün banklar filial və şöbələrindən kənarda fəaliyyət göstərən valyuta dəyişmə məntəqələrini bağladı.

Bolgexeber.com musavat.com-a istinadən bildirir ki, bu addımın atılmasında səbəb ölkədə dolların süni şəkildə bahalaşmasının qarşısını almaq idi. Çünki “exchange”lər dollar kursunu öz istədikləri şəkildə müəyyən edə bilirdi. Bu səbəbdən idi ki, bir neçə gün əvvəl dolların valyuta dəyişmə məntəqələrində satış qiyməti 1.90 manatadək yüksəlmişdi. Yanvarın 8-də Mərkəzi Bankın xəbərdarlığından sonra dolların satışı 1.62 manat təşkil etdi. Bununla da dolların satış qiyməti Mərkəzi Bankın müəyyən etdiyi məzənnədən yalnız 4 faiz baha ola bilər.

“Exchange”lər bağlandıqdan sonra banklar qarşısında növbələr yaranıb. Bir çox iri banklar dollar satışından imtina etdiyi üçün dollar satışı həyata keçirən “Kapitalbank”, “Azər Türk Bank” kimi bankların qarşısında növbələr yaranıb.

Banklarda dolların satış qiyməti 1.62-1.63 manat arasında dəyişir. Limit isə 1000 manatdır.

“Qara bazar” isə yenə də öz fəaliyyətindən qalmır. Hazırda daha çox bağlanan valyutadəyişmə məntəqələrinin olduğu yerlərdə əldə dollar satan alverçiləri görmək mümkündür. Onlar dolları 1.70 manatdan alıcılara təklif edirlər.

Dollar alverçiləri əsasən 28 May küçəsində, “Neftçilər” metrostansiyasının çıxışında və Sədərək ticarət mərkəzində olurlar.

Bəzi dollar alverçiləri isə bağlanan “exchange”ləri açaraq öz fəaliyyətlərini davam etdirilər. Bunu gizli şəkildə edənlər də var. Məsələn, 28 May küçəsində qapılarını yarıya qədər açan dollar alverçiləri alış-satış həyata keçirirlər. Onlar əsasən daimi müştəriləri ilə işləməyə çalışırlar.

Bəzi dollar alverçiləri isə “exchange”in qapılarının müştərilərin üzünə taybatay açıb. Məsələn, “Neftçilər”də yerləşən əvvəllər “Kredit Yunayet Bank”a məxsus filial indi işləyir. Lakin bankın adı lentlə bağlanıb. Bu filialda dolların satış qiyməti 1.70 manatdır. Alış qiyməti isə 1.60 manatdır.

Xatırladaq ki, dekabrın 21-dəki devalvasiyadan sonra ölkədə qanunsuz olaraq dollar satışı ilə məşğul olan bir neçə şəxs saxlanılıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]