BolgeXeber.Com » Xəbərlər » "Qarabağ" və "Qəbələ" 20 Yanvarda xarici rəqiblərini darmadağın etdi - 4:0

"Qarabağ" və "Qəbələ" 20 Yanvarda xarici rəqiblərini darmadağın etdi - 4:0

21-01-2016, 10:53

Oxunub: 3 374

Xəbər verdiyimiz kimi, bu gün klublarımız Antalyada növbəti yoxlama oyununa çıxıblar

Qaynar.info xəbər verir ki, əvvəlcə "Qarabağ" Antalyanın Bələk bölgəsindəki "Riu Kaya" otelinin meydançasında Macarıstanın "Dioşdyör" komandası ilə qarşılaşıb.

Türkiyəli hakimlər - Ərhan Kaya, Ömər Kaya və Okan Sönməzin idarə etdiyi oyunda komandamız zəif rəqibini darmadağın edib - 4:0. Qolları Maksim Medvedev (27), Muarem Muarem (52), Rahid Əmirquliyev (58) və Mahir Mədətov (73) vurub. Onu da qeyd edək ki, bu, yeni transferlərdən Muarem və Rahidin ilk qolları olub.

"Qarabağ": İbrahim Şehiç (Şahruddin Məhəmmədəliyev, 65) - Maksim Medvedev (İlqar Qurbanov, 74), Bədəvi Hüseynov (Elvin Yunuszadə, 74), Rəşad Sadıqov (k) (Elgün Uluxanov, 74), Azər Salahlı (Ansi Aqolli, 46) - Qara Qarayev (Coşqun Diniyev, 46), Rahid Əmirquliyev (Miçel, 74) - Dani Kintana (Elvin Məmmədov, 74), Rişard Almeyda (Əfran İsmayılov, 74), Cavid Tağıyev (Əl-Harbi Əl-Jadeyaui, 46) - Muarem Muarem (Mahir Mədətov, 60)

Baş məşqçi: Qurban Qurbanov

"Dioşdyör": İvan Radoş - Drajen Okuka (Qabor Eperyeşi, 77), Zoltan Liptak, Qabor Kovaç (Mikloş Kitl, 63), Milan Nemeş (Milan Nemet, 46) - Tamaş Eqerseqi - Patrik Baça, Vladimir Koman (k) (Tamaş Takaç, 77), İştvan Boqnar (Mark Nikhazi, 46), David Barçi - Soma Novotnı (Corcs Qriffits, 46)

Baş məşqçi: Şandor Eqervari

Cari mövsüm Avropa Liqasının qrup mərhələsində ölkəmizi təmsil etmiş digər klubumuz "Qəbələ" isə 12 dəfə İsveçrə çempionu olmuş "Sürix"lə gücünü sınayıb. Lakin İsveçrə çempionatında yaxşı günlərini yaşamayan "Sürix"i (sondan II yerdədirlər - red.) məğlub etmək "Qəbələ" üçün çətin olmayıb. Belə ki, "Qəbələ" də "Qarabağ" kimi, rəqibini 4:0 hesabı ilə darmadağın edib. Qolları Vadim Abdullayev (22), Aleksey Antonov (73, 75) və Samir Zərgərov (80) vurub.

Yeri gəlmişkən, tanınmış finlandiyalı məşqçi Sami Hyuyupiya bu matçda "Zenit"dən icarəyə götürülmüş Aleksandr Kerjakovu və Sankt-Peterburq doğumlu erməni futbolçu Artyom Simonyanı meydana buraxmayıb. Hər 2 futbolçunun zədəli olduğu deyilir. "Mirakl" otelinin meydançasında keçirilən bu görüşü izləyənlər arasında "İnter"in baş məşqçisi Zaur Svanadze də olub.

"Qəbələ": Dmitri Bezotosnı (Andrey Popoviç) - Arif Daşdəmirov (Ürfan Abbasov), Rafael Santos (Yusif Nəbiyev), Voyislav Stankoviç (Vitali Vernidub), Məhəmməd Mirzəbəyov (Pavel Paşayev) - Vadim Abdullayev (Qismət Alıyev), Aleksey Qay (Rikardinyo) - Rəşad Eyyubov (Rəşad Sadiqov / Roman Hüseynov), Sergey Zenyov (Aleksey Antonov), Dodo (k) (Asif Məmmədov) - Ermin Zets (Samir Zərgərov).

Baş məşqçi: Roman Qriqorçuk

"Sürix": Yanik Brexer (Novem Baumann) - Mayk Klayber, Leonardo Sançes, Alen Nef, Vinisius Freytas - Jil Yapi-Yapo (k), Anto Qrqiç - Sanyone Sarr, Maksim Dominqes (Vasiliye Yanyiçiç), Kevin Bua - Frank Etundi

Baş məşqçi: Sami Hyuyupiya

Qeyd edək ki, hər 2 oyuna komandalarımız qara sarğı ilə çıxıb və 20 Yanvar faciəsində şəhid olanların ruhu 1 dəqiqəlik sükutla yad edilib.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]