BolgeXeber.Com » Xəbərlər » Mingəçevir başçısı təşvişdə? - İDDİA

Mingəçevir başçısı təşvişdə? - İDDİA

25-01-2016, 22:20

Oxunub: 3 273

Bir neçə gün əvvəl Hesablama Palatasının apardığı yoxlamalar nəticəsində icra başçılarının külli miqdarda dövlət vasaitinin mənimsənilməsi faktı yuxarı dairələrdə ciddi müzakirə predmetinə çevrilib

Bizimxeber.az-a daxil olan məlumata görə, çıxarılması gözlənilən və bunun fonunda daha çox narahat olan icra başçıları arasında Mingəçevirin rəhbəri Niyazi Bayramovun adı çəkilir. Palatanın açıqlamasından sonra icra başçısının sürət həddini aşan avtomobilinin görüntülənməsi və icra hakimiyyətindən verilən gülüş doğuran açıqlamalar yaranmış vəziyyəti bir qədər də çətinləşdirdi.
Mingəçevirdən redaksiyaya daxil olan məlumatda qeyd olunur ki, icra başçısı Niyazi Bayramov öz yaxın ətrafına yarım qalan problemləri təcili həll etməyi tapşırıb. Son 3 gündə iki dəfə Bakıya gələn icra başçısının yaranmış vəziyyəti düzəltmək cəhdləri heç bir fayda verməyib. Yəqin ki, prezident İlham Əliyevin Davos Sammitindən dönməsi ilə onun da icra başçısı postuna əlvida deyiləcək. Məlumatlara həmçinin Niyazi Bayramovun həbs olunması ehtimalı da qeyd olunur.
Məlumat üçün bildirək ki, I Avropa Oyunları zamanı avarçəkmə idman növü üzrə yarışlar Mingəçevir şəhərində keçirilmişdi. O zaman bildirilirdi ki, yarışların yüksək səviyyədə keçirilməsi üçün dövlət büdcəsindən külli miqdarda vəsait ayrılmasına baxmayaraq yarışın təşkili aidiyyatı qurumları razı salmayıb.
Qarşı tərəfin mövqeyini dərc etməyə hazırıq.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]