Ziya Məmmədovun «sağ əli» ilə bağlı İLGİNC İDDİALAR
27-01-2016, 10:54
Oxunub: 2 586
Qulam Ələkbərovun varlı adamları girov götürən dəstəsinin olduğu, Bakıda qumarxana işlətdiyinə dair məlumatlar yayılıb
Ötən günlərdə mətbuatda nəqliyyat naziri Ziya Məmmədovun «sağ əli» kimi tanınan Qulam Ələkbərovla bağlı çeşidli məlumatlar yayılmışdı. Azad.Media saytı bununla bağlı apardığı araşdırmada bir sıra maraqlı məqamlara toxunaraq, onun Ziya Məmmədovun «Hacı Məmmədovu» kimi xarakterizə etdimişdi.
Lakin həmin yazının ardından «Azadlıq» qəzeti Qulam Ələkbərovun Ukrayna vətəndaşı olduğunu üzə çıxarmışdı. Və vurğulamışdı ki, sözügedən şəxs həm də Azərbaycan vətəndaşıdır ki, bu da qanunla qadağan olunmuş haldır. Belə bir adamın Ziya Məmmədovun adından hökmlər verməsi, icra başçısı təyin etməsi isə bir ayrı məsələdir. Ki, bununla bağlı artıq tutarlı araşdırmasını ortaya qoyulub.
Bu gün isə sözügedən sayt Ziya Məmmədovun «sağ əli» ilə bağlı daha bir sensasiya doğuracaq məlumatlar ortaya çıxarıb. Sayt yazır ki, Qulam Ələkbərov kriminal aləmlə sıx bağlı olduğundan özü də bir çox zamanlar proseslərə qarışmalı olub. Məsələn, onun qardaşı Misir Ələkbərovun dəfələrlə bir sıra cinayətlərdə adının hallanması bunun əyani sübutlarından hesab olunur.
Qulam Ələkbərovun qardaşı kifayət qədər kriminallaşmış adamdır. Hətta onun bir zamanlar özünə dəstə yaradaraq, Gəncəbasar zonasında varlı adamları təhdid altında saxladığını da iddia edir. «Misir Ələkbərov qardaşı Qulama güvənərək, Gəncəbasar zonasında varlı adamların ya özlərini, ya da uşaqlarını oğurlamaqla pul qazanırdılar. Girov götürülən iş adamlarından biri isə zonada tanınmış şəxslərdən olan «Gəvə Mamed» adlı şəxs olub. Onu girovluqdan 200 min dollara buraxdıqları deyilir».
Sayt bildirir ki, Qulam Ələkbərov da bəzən kriminal işlərə, «razborka»lara qatılıb. Qardaşına görə, gedən mübahisələrdən dolayı bir dəfə ciddi xəsarət də alıb. Azad.Media-nın iddiasına görə, Ələkbərov qardaşına görə «razborka»ya gedib və orada qarşı tərəfin tapançadan açdığı atəş nəticəsində qolundan yaralanıb. «Həmin vaxt məsələ ört basdır edilib. Və bu işdə Ziya Məmmədovun da rolunun az olmadığı deyilir. Hər halda nazir şərikini çətin durumda buraxmazdı. Üstəlik, bu qalmaqalın da üzərinin açılmasına imkan verməzdi».
Bu əsnada, Azad.Media saytı Bakıda fəaliyyət göstərən qumarxanaların əksəriyyətində Qulam Ələkbərovun şərikliyi olduğunu vurğulayıb. Saytın iddiasına görə, paytaxtda qadağan olunmuş fəaliyyətlə məşğul olan bu obyektlərdən hər ay Ələkbərov yüz minlərlə manat gəlir əldə edir. Və güman ki, Ələkbərov həmin pulun bir qismini şərikinə verməmiş olmayıb.
Qarşı tərəfi də dinləməyə hazırıq.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər