Bizimlə əlaqə | Reklam
BolgeXeber.Com » Xəbərlər » Böhran həbsləri başlayır: Sabirabad maliyyəsinin müdiri ilk hədəfdir - Gülüşovun gülüş vaxtı bitdi...

Böhran həbsləri başlayır: Sabirabad maliyyəsinin müdiri ilk hədəfdir - Gülüşovun gülüş vaxtı bitdi...

30-01-2016, 12:36
Oxunub: 4 255 Böhran həbsləri başlayır: Sabirabad maliyyəsinin müdiri ilk hədəfdir - Gülüşovun gülüş vaxtı bitdi...İndi Gülüşovun gülmə yox, hesabvermə zamanıdır

Hökumətin bu böhran dövründə bir sıra məmurları cəzalandıracağı şübhəsiz idi. Yəni gözlənilirdi. Gözlənilirdi ki, bu günə kimi dövlət büdcəsinə xəyanət edən məmurlar cəzalandırılsın.

DİA.AZ-a mötəbər mənbələrdən daxil olan informasiyaya görə, artıq ilk qurbanlardan biri hazırdır. Mənbə iddia edir ki, hazırda Sabirabad rayon maliyyə şöbəsinin fəaliyyəti ciddi şəkildə təftişolunur.

Mənbənin söylədikləri: "Sabirabad rayon maliyyə şöbəsinin müdiri Hüseynağa Gülüşov bu gün tam bir oliqarxdır, -desək yanılmarıq. Adam rayonda onlarla obyektin sahibidir. Nəyin hesabına? Təbii ki, Sabirabad rayonuna ayrılan dövlət pullarının... İndi isə Gülüşovun gülmə yox, hesabvermə zamanıdır. Yəni yediklərinin dövlətə izahatını vermək zorundadır".

Mənbə bildirir ki, birbaşa olaraq "yuxarıların" nəzarətində olan bu proses nəticəsində Gülüşovun illər ərzində 2 milyon manata yaxın büdcə vəsaitini şəxsən taladığı məlum olub. Mənbə dia.az-a bildirir: "Bu, hələ tam olaraq ifşa olunan məbləğ deyil və "yuxarılar" ciddi təftiş işi həyata keçirirlər".

Qaynaq onu da bildirir ki, bu araşdırma bitincə Gülüşovun həbsi belə gündəmə gələ bilər.

Onu da qeyd edək ki, belə bir "geniş imkanlara" malik olan Sabirabad maliyyəsinin müdiri hər zaman qorunub. Belə ki, onun tələbə yoldaşlarından birinin hazırda mühüm vəzifə daşıdığı söylənilir və qeyd olunur ki, büdcə pullarını dədə malı kimi talayan Gülüşov də məhz tələbə yoldaşına güvənib.

Qarşı tərəfi də dinləməyə hazırıq... Əlavə bilgilərimiz olacaq. Bizi izləyin.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]