BolgeXeber.Com » Xəbərlər » "İlhamənin imkanı olsaydı, səni tikə-tikə doğrayardı ki..." - XALQ ARTİSTİNDƏN CAVAB GƏLDİ
"İlhamənin imkanı olsaydı, səni tikə-tikə doğrayardı ki..." - XALQ ARTİSTİNDƏN CAVAB GƏLDİ
2-02-2016, 14:01
Oxunub: 2 495
Xalq artisti İlhamə Quliyeva Bakı İstintaq Təcridxanasında saxlanılan Mehriban Hüseynovanın ittihamlarına cavab verib
Lent.az-a açıqlama verən xalq artisti də öz növbəsində qarşı tərəfi suçlayıb: “Başa düşə bilmirəm ki, mənim qulluqçum Mehriban Hüseynova hansı namus-qeyrətdən danışır? Neçə-neçə ailələrin başına bu fəsadları gətirib. Amma mənimlə bacara bilmədi. Çünki daş qayaya rast gəldi. Onun əli ilə neçə nəfər tutulub, cəza çəkir. Ona demək istəyirəm ki, ay qulluqçu, sənin haqqın çatmır ki, həbsxanadan otura-otura cəfəngiyat məktublar göndərəsən. Bu işlərin axırı sənin üçün çox pis olacaq. Hazırda Prokurorluqda barəndə iş gedir. Barəmdə dediyin şərlər, böhtanlar heç vaxt mənə yapışmaz. Sənin söylədiklərinə də kimsə inanmaz".
İ.Quliyeva köməkçisini bıçaqlaması ittihamlarına da münasibət bildirib: “Başa düşə bilmirəm ki, İlhamə Quliyeva nə zamandan adam bıçaqlayan olub? Olmayan şeyləri camaata deyib, niyə şər atırsan? Bizi şantaj etdiyinə görə, ona 10 il iş düşür. Kimi şantaj edib öldürmüşük? Yekə arvadsan, get ağlına dua yazdır. Hələ gələcəyini düşün ki, səni məhkəmələrdə nələr gözləyir. İndi kim öz qatığına, ayranına turş deyir ki? Oturub, özü üçün qatıqlayır. İşi yox, gücü yox, oturub indi dörd divarın arasında. İlhamənin imkanı olsaydı, səni tikə-tikə doğrayardı ki, sən bu dünyada yaşamayasan. Çünki sən insanlara ancaq xələl gətirirsən".
Xalq artisti onu da əlavə etdi ki, M.Hüseynova məktubu tək yazmayıb: “Özü içəridədir. Burada da öz adamları var, yazdırır, pozdurur. O, savadsızın biridir. Adını, soyadını yazanda beş dəfə səhv edir. Sadəcə, onun havadarları var. Müdafiə edən şəxsləri var. Həmin dəstədə qadın da, kişi də var. Məhkəmə qabağı bu cür yazı-pozular çox olacaq. Məhkəməsi başlayana kimi, nə qədər istəyir, ittiham etsin. Hazırda bütün Azərbaycan ayaq üstədir. Bu ciddi bir məsələdir. Onun ittiham etməyi ilə deyil ki? Ona yazığım gəlir. Bu dünyaya qulluqçu gəlib, qulluqçu kimi də gedəcək”.
Qeyd edək ki, Bakı İstintaq Təcridxanasında saxlanılan Mehriban Bəylər qızı Hüseynova musavat.com-un redaksiyasına ünvanlandığı məktubda İ.Quliyeva barəsində bir çox ittihamlar irəli sürüb.
Bolgexeber.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə