BolgeXeber.Com » Xəbərlər » Baş nazirdən Mahsun Kırmızıgülə cavab

Baş nazirdən Mahsun Kırmızıgülə cavab

4-02-2016, 12:16

Oxunub: 3 435

Türkiyənin baş naziri Ahmet Davudoğlu rejissor Mahsun Kırmızıgülün ona ünvanlanmış iradlarına cavab verib

Axşam.az Türkiyə mətbuatına istinadən xəbər verir ki, rejissor Güneydoğuda baş vermiş terrorla əlaqədar sosial şəbəkədə Ahmet Davudoğluna müraciət edərək “Yaralı uşaqları və insanları ölümə tərk etmək hansı dində yazılıb? Necə bu qədər zalım, bu qədər mərhəmətsiz oldunuz, ey baş nazir?” yazmışdı.

Baş nazir isə M.Kırmızıgülə səslənərək “Əgər zülm görmək istəyirsə, gəlsin ziyarət etdiyim 8 yaşlı Səidin gözlərinin içinə baxsın” deyib:

“Bir sənətçi mənə “zalım” deyə xitab edincə, dönüb aynaya baxdım. Öz-özümlə sorğu-sual etdim. Bu adamı anlamaq istəyirsə, Somaliyə başına sığal çəkilmiş uşaqların yanına getsin. Bizim əlimizdə heç bir məsumun nəinki qanı, göz yaşı belə yoxdur. Kimsə İsrailin, yaxud Əsədin etdiyi kimi, yaxud PKK kimi xalqa zülm etmək istəyirsə, buna səssiz qalacaq qədər soyuqqanlı deyilik.

Mən o sənətçiyə səslənirəm: zülm görmək istəyirsə, xəstəxanada ziyarət etdiyim Səidin gözlərinə baxsın. Diyarbakırda həyatını itirənlərin arxasında hansı zalımların olduğunu görsün və “zalım” sözünü kimin üçün istifadə edə biləcəyini düşünsün. Bizim mərhəmətimizə tarix də, millət də şahiddir. Bu postda durduqca, bu uşaqlara kim zülm edəcəksə, onlara qarşı qüdrətimizin səsi də olacaq. Hesabat verməyə hazırıq”.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]