BolgeXeber.Com » Xəbərlər » "Günəşli" yatağında yanğın 2 aydan sonra söndürüldü

"Günəşli" yatağında yanğın 2 aydan sonra söndürüldü

11-02-2016, 13:11

Oxunub: 4 399

"Günəşli" yatağındakı 10-cu özüldə yanğın söndürülüb

Bolgexeber.com Fövqaladə Hallar Nazirliyinə istinadən məlumat verir ki, 4 dekabr 2015-ci il tarixində "Günəşli” yatağındakı 10 saylı özüldə baş vermiş qəza nəticəsində yanğının söndürülməsi istiqamətində fasiləsiz tədbirlər həyata keçirilib.

Görülmüş fasiləsiz və təxirəsalınmaz tədbirlərin nəticəsi olaraq, 10 fevral 2016-cı il tarixində saat 19:24-də yanğın tamamilə söndürülüb.

SOCAR-ın məlumatında isə bildirilir ki, dekabrın 4-də Bakı və Abşeron yarımadasında nadir hallarda təsadüf edilən çox güclü qasırğa zamanı "Günəşli” yatağında yerləşən 10 saylı dərin dəniz özülündə baş vermiş qəza nəticəsində yanan quyular fevralın 10-da tamamilə söndürülüb.

Yanğın zamanı quyuağzı avadanlıqların sıradan çıxması nəticəsində quyuların hermetikliyi pozulmuşdu ki, bu da quyuların boğulmasını çətinləşdiriridi. Mövcud texnika və avadanlıqlardan maksimum səmərəli istifadə edilərək, əlavə problem yaratmadan yanan quyularda növbə ilə quyuağzı avadanlıqlar dəyişdirilib, quyular məhlul ilə boğulub.

Görülmüş tədbirlər nəticəsində yanğın tam söndürülüb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]