Bizimlə əlaqə | Reklam
BolgeXeber.Com » Xəbərlər » 40 ailə prezidentə kömək üşün müraciət etdi - «Yaşadığımız yataqxana uça bilər»

40 ailə prezidentə kömək üşün müraciət etdi - «Yaşadığımız yataqxana uça bilər»

13-02-2016, 10:25
Oxunub: 3 327 40 ailə prezidentə kömək üşün müraciət etdi - «Yaşadığımız yataqxana uça bilər»Məcburi köçkün olaraq yataqxanada məskunlaşmışıq. Indi buranı bizə çox görürlər

Bakı şəhəri, Nizami rayonu, Babək prospekti 87 ünvanda yerləşən 1 saylı yataqxananın 40 nəfər sakini ölkə başçısı Ilham Əliyevə müraciət edib. Müraciətin bir surəti “Azadlıq”ın redaksiyasına göndərilib. Sakinlər bildirir ki, Sahibəli adlı şəxs yataqxana ərazisində tikinti işlərinə başlayıb.

Onun apardığı tikinti yataqxana binasının qəzalı vəziyyətə düşməsinə səbəb olub. “Biz etiraz etdik, tikintini müvəqqəti dayandırdı. Indi yenidən işə başlayıblar. Ondan tələb edirik ki, bizi köçürsün, mənzillə təmin eləsin sonra tikinti aparsın. Çünki onun apardığı tikintinin üzündən bina qəzalı vəziyyətə düşüb. Orada yaşamaq təhlükəlidir. Tikinti davam edəcəyi təqdirdə bina uça bilər. Amma bütün bunlar Sahibəli adlı şəxsin vecinə deyil”, – deyə sakinlər bildirir.

Onların sözlərinə görə, yataqxanada yaşayanlar məcburi köçkünlərdir: “Bizim ayrı mənzilimiz yoxdur. Məcburi köçkün olaraq yataqxanada məskunlaşmışıq. Indi buranı bizə çox görürlər.

Cənab prezident, sizin sərəncamınıza görə bütün köçkünlər evlə təmin olunmalıdır. Baş verənlərlə bağlı müvafiq qurumlara müraciət etsək də, heç bir nəticəsi yoxdur. Xahiş edirik ki, bu məsələni diqqətdə saxlayasınız”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]