BolgeXeber.Com » Xəbərlər » Rusiyalı seksual aparıcı azərbaycanlı qadından şikayətləndi – (FOTO)

Rusiyalı seksual aparıcı azərbaycanlı qadından şikayətləndi – (FOTO)

24-02-2016, 15:14

Oxunub: 4 008 Rusiyalı seksual aparıcı azərbaycanlı qadından şikayətləndi – (FOTO)

Rusiyada aparıcı kimi tanınan Ksenya Borodina Səbinə adlı azərbaycanlı qadının ünvanına tənqidi sözlər yazıb

BAKU.WS məlumat verir ki, aparıcı İnstaqramda azərbaycanlı qadının və ailəsinin fotolarını kollaj edərək paylaşıb. Ksenya Səbinə adlı qadının müntəzəm olaraq onu və yaxınlarını təqib və təhqir etdiyini bildirib:

“Mən tanımadığım bu ailənin fotosunu kollaj etdim. Bu qadın ömrünün bir ilini bizə həsr edib. O, müntəzəm olaraq məni, həyat yoldaşımı, övladımı, anamı, mənə doğma olan hər kəsi təhqir edir. Səbinə adlı bu qadın ətrafına bir qrup toplayaraq, hər kəsə mənim saxta ailəm olduğunu deyir. Hamiləliyim boyunca o məni tənqid edib, bədənimin hər nöqtəsini müzakirəyə qoymuşdu. Ərə getməyimi də ələ salmışdı.

O, mənim və həyat yoldaşımın bütün tanışlarına yazıb. Bizim dostlarımızla münaqişədə olduğumuzu qeyd edirdi. Hətta mənim uşağımı tələf etmək istəməyimlə bağlı xəbər də yazmışdı. Ona və gözəl övladına yaxşı baxın. Belə bir qadın necə başqası haqqında nə gəldi yaza bilər? Hətta övladlarımın adına da lağ edirdi. Bu qadın kimdir? Mənə çox maraqlıdır o qadının həyat yoldaşı nə düşünür? Ümumiyyətlə həyat yoldaşının bu qadının əməllərindən xəbəri var?

Bu qadın gecə-gündüz yaratdığı çirkin qrup ilə birgə mənim tərəfimdən bir vaxtlar qara siyahıya salınmış insanlara mesajlar yazır, onları da mənə qarşı qaldırır. Bunu tanımıram. Bəlkə nə vaxtsa avtoqraf verməmişəm, hava limanında ayağını tapdalamışam, indi məndən intiqam alır. Ailəsi, hamiləliyi təhqir edilən heç bir qadın buna soyuqqanlı yanaşmaz. Qafqazda yaşayan bu qadının heç olmasa 1 dəqiqəlik utanmasını istəyirəm. Mənim Azərbaycanda çoxlu dostlarım var. Bu ölkə hörmətli insanlarla doludur”.

O bildirib ki, azərbaycanlı qadının onun və ailəsinin haqqında yazdıqlarını saxlayıb:

“Onun şərq ailəsi, övladı, valideynləri, qonşuları, dostları var və mən istəyirəm ki, onlar görsünlər bu qadın nə işlə məşğul olur. Onun çirkin əməllərinin hamısını çəkib saxlamışam. İndi yaratdığı qrupların hamısını sildirmişəm. Burnunu mənim şəxsi həyatıma soxmağa çalışan hər kəsi bu cür edəcəm. Düşünürdüm ki, bu 16-17 yaşı olan uşaqdır. Bunu övladı olan bir qadının etdiyini görəndə dəhşətə gəldim. Ərimi də, məni də bezdirib. Bizim ailəmiz digərlərindən fərqlənmir: bir-birimizi sevirik, hərdən dalaşırıq, övlad böyüdürük. Mən və həyat yoldaşım kiminsə ailəmizə ziyan vurmasına icazə vermərik”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]