BolgeXeber.Com » Xəbərlər » Nardaranda idman bazasının yerində villa tikirlər - RÜSVAYÇILIQ

Nardaranda idman bazasının yerində villa tikirlər - RÜSVAYÇILIQ

29-02-2016, 12:50
Oxunub: 836 Nardaranda idman bazasının yerində villa tikirlər - RÜSVAYÇILIQAzərbaycanda unikal idman bazasının yerində villa tikilir

Qaynar.info xəbər verir ki, bu barədə Hava və Ekstremal İdman Növləri Federasiyasının üzvü Teymur Maksudov, jurnalist, UEFA-nın ölkəmizdəki media nümayəndəsi ictimaiyyətə müraciətində bildirib.

Onun sözlərinə görə, Bakı şəhərində və onun ətrafında yerləşən yeganə təbii qayalıqlar Nardaran qəsəbəsi ərazisindədir. Məhz bu ərazidən idman həvəskarları baza kimi yararlanırmışlar. Amma kimlərsə tərəfindən həmin ərazi işğal olunub və orda fərdi yaşayış evinin inşasına başlanılıb. Qəribəsi odur ki, nə yerli bələdiyyənin əməkdaşları, nə də əraziyə nəzarət edən polis tikintinin sahibini tanımır.

Ekologiya və Təbii Sərvətlər Nazirliyi bu faktla bağlı akt tərtib edib ki, bu tikinti qanunsuz həyata keçirilir. Akta bələdiyyə sədrinin müavini qol çəksə də, Sabunçu rayon icra hakimiyyətinin Nardaran üzrə nümayəndəsi həmin prosesdən vaz keçib və əraziyə baxış keçirməkdən imtina edib. Hazırda da o ərazidə tikinti işləri davam etdirilir.

Həmkarımızın sözlərinə görə, federasiyanın idmançıları bu məsələdə passivdirlər. Yalnız idmançılardan Süsən Əliyeva əməldə bu tikilinin dayandırılması üçün əməli fəaliyyət göstərir.

İdman mətbuatından və ictimaiyyətdən kömək gözləyən Teymur bəy ərazidən çəkilən fotoşəkli də sosial şəbəkə vasitəsiylə yayımlayıb. Özünüz də diqqətlə baxın. Bu cür nadir təbiəti məhv etmək hansı vicdana sığır? Ümid edirik ki, ölkə başçısının idmana göstərdiyi diqqət və qayğıdan xəbərdar olan məmurlar bu nadir idman bazasının qorunması üçün hərəkətə keçəcəklər.

Qeyd edək ki, məsələ ilə bağlı qarşı tərəfin nümayəndəsinin fikrini işıqlandırmağa hazırıq.
Nardaranda idman bazasının yerində villa tikirlər - RÜSVAYÇILIQ