BolgeXeber.Com » Xəbərlər » “Mədəniyyətimizi təbliğ edək” devizi altında tədbir -Hacıqabulda

“Mədəniyyətimizi təbliğ edək” devizi altında tədbir -Hacıqabulda

1-03-2016, 17:42

Oxunub: 1 549

01.03.2016-cı il tarixində Hacıqabul rayon Mədəniyyət və Turizm şöbəsinin tədbirlər planına əsasən “Mədəniyyətimizi təbliğ edək” devizi altında Mədəniyyət günü Navahı kəndində qeyd olundu

Bu tədbir çox gözəl bir günə, Od çərşənbəsinə təsadüf etdi. Mehman Ağayev adına Navahı kənd tam orta məktəbinin həyətində açıq havada sərgilər hazırlandı.Tarix Diyarşünaslıq muzeyinin eksponatlarının bir qismi, Heydər Əliyev Mərkəzindən Heydər Əliyevin şəkilləri, sənədləri, Mərkəzin Rəsm və Xalça-toxuculuq dərnəyinin üzvlərinin əl işləri, Navahı kənd kitabxanasının kitablarının sərgisi hazırlandı.Məktəblilər, kənd əhalisi həvəslə sərgilərə tamaşa etdilər.Tarix Diyarşünaslıq muzeyinin direktoru Məhəmməd İsayev, Heydər Əliyev Mərkəzinin bələdçisi Nurlanə Muradova sərgidə nümayiş olunan eksponatlarla bağlı uşaqlara məlumat verdilər.Məktəblilərin ifasında şeirlər səsləndirildi.Tonqal ətrafında Novruzun atributları olan Kosa, Keçəl məzəli çıxışları ilə tədbiri daha da şənləndirdilər. Mədəniyyət Mərkəzinin “Nur” instrumental ansambılının ifasında şən mahnılar səsləndirildi, məktəblilər həvəslə rəqs etdilər.
Bolgexeber.com

Çox Oxunanlar