BolgeXeber.Com » Xəbərlər » “8 mart pulu yığdırıram, yaxşı edirəm”

“8 mart pulu yığdırıram, yaxşı edirəm”

2-03-2016, 11:51
Oxunub: 5 107 “8 mart pulu yığdırıram, yaxşı edirəm”Bakının Nizami rayonunda yerləşən 70 saylı məktəb liseyin direktoru Nazim Qasımov pul yığdırır

İrevan-press.com xəbər verir ki, direktorun təşəbbüsü ilə bu təhsil müəssisəsində hər həftə müxtəlif bəhanələrnən şagirdlərdən pul yığılır. Şagirdlər informatika dərsini tədris edən Nigar Quliyevadan, fizika müəlliməsi Mətanət Əliyevadan, eləcə də ingilis dili müəlliməsi Nüşabə Abuşovadan narazılıq edirlər. 9 b sinfində olan şagirdlərdən biri açıq şəkildə video çəkiliş edərək internetdə yayıb. Həmin çəkilişdə bildirilir ki, müəllimə konkret olaraq onun qiymətini kəsib, yüksək qiymət yazmaq üçün pul tələb edib. 8 Mart Beynəlxalq Qadınlar günü münasibəti ilə sözügedən məktəbdə şıdırğı pul yığıldığı da bildirilir.
Direktor açıqlama vermək istəməyib. Bir qədər sonra direktora yenidən zəng edəndə direktor deyib: “Ay qardaş demirlər 8 mart münasibətilə pul yığdırıram? Yaxşı edirəm. İdarədən mənə nə deyirlər onu da edirəm. Sizin zənginizdən sonra idarə ilə əlaqə saxladım mənə münasibət bildirməyi qadağan etdilər”.
Bolgexeber.com