BolgeXeber.Com » Xəbərlər » Nazir vətəndaşları incidən əməkdaşı işdən qovdu

Nazir vətəndaşları incidən əməkdaşı işdən qovdu

5-03-2016, 20:12

Oxunub: 3 712 Nazir vətəndaşları incidən əməkdaşı işdən qovdu

Rabitə və yüksək texnologiyalar naziri Ramin Quluzadə Sabirabada səfəri zamanı vətəndaşlardan daxil olan bəzi şikayətləri yerindəcə araşdırıb

“Qafqazinfo”nun məlumatına görə, məlum olub ki, Sabirabad rayon poçt filialının müştəri xidmətləri şöbəsinin əməliyyatçısı Salamulla Sultanov vətəndaşlara poçt vasitəsilə ödənilməli olan maliyyə vəsaitlərini qanunsuz olaraq gecikdirirmiş.

Nazirin tapşırığı ilə vətəndaşlara olan bütün borclar dərhal ödənilib. Əməliyyatçı S. Sultanov isə işdən azad olunub.

Sabirabad rayon poçt filialının rəisi Şiraslan Qasımov problemi vaxtında aşkarlamadığı və lazımi tədbir görmədiyi üçün ona sonuncu xəbərdarlıq olunmaqla şiddətli töhmət verilib.

Telekommunikasiya və poçt sahəsi ilə bağlı vətəndaşlarla görüşdükdən sonra nazir Sabirabad, Hacıqabul, Saatlı və Şirvan Telekommunikasiya qovşaqları və poçt filiallarının rəisləri ilə müşavirə keçirib.

Müşavirədə vətəndaşlardan daxil olan şikayətlər təhlil olunub. Bildirilib ki, bu şikayətlərin əksəriyyəti əsaslıdır və onlar barəsində müvafiq tədbirlər görülməli, işdə ciddi dönüş yaradılmalı, mövcud imkanlardan maksimum istifadə edilməklə vətəndaşlara layiqli xidmət göstərilməlidir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]