Bizimlə əlaqə | Reklam
BolgeXeber.Com » Xəbərlər » Kamran Həsənli 12 ilə qədər həbs oluna bilər-Samir Piriyevin 80 min dollarını mənimsəməkdə təqsirli bilinir

Kamran Həsənli 12 ilə qədər həbs oluna bilər-Samir Piriyevin 80 min dollarını mənimsəməkdə təqsirli bilinir

10-03-2016, 18:49
Oxunub: 4 487 Kamran Həsənli 12 ilə qədər həbs oluna bilər-Samir Piriyevin 80 min dollarını mənimsəməkdə təqsirli bilinirŞoumen Kamran Həsənliyə dələduzluq maddəsi ilə cinayət işi açılıb

O, müğənni Samir Piriyevin 80 min dollarını mənimsəməkdə təqsirli bilinir.

Musavat.com saytına məsələ ilə bağlı açıqlama verən S. Piriyevin vəkili Ruslan Əhmədoğlu bildirib ki, müğənni Samir Piriyev dəfələrlə Kamran Həsənliyə pulunu qaytarması üçün müraciət edib:

“Samir teleaparıcıya hörmət etdiyi üçün 5 il ərzində bu haqda danışmayıb və gözləyib. Kamran Həsənli bu müddət ərzində 125 min dollarda 45 min dollarını qaytarıb, hazırda Samirə 80 min dollar borcludur. Onlar birlikdə biznes qurmaq istəyirdi. Pul qaytarılmadığı üçün Samir hüquq-mühafizə orqanlarına müraciət etməli olub, hüquq-mühafizə orqanları bütün faktları, sübutları toplayaraq prokurorluğa göndərib. Prokurorluq da cinayət işi başlayıb və işi araşdırılması üçün Nərimanov Rayon Polis İdarəsinin istintaq şöbəsində göndərib”.

Daxili İşlər Nazirliyinin mətbuat xidmətinin əməkdaşı Orxan Mansurzadə saytına xəbəri təsdiqləyib. O bildirib ki, Samir Piriyevin şikayəti əsasında Nərimanov rayon Prokurorluğunda fakta görə Cinayət Məcəlləsinin 178.3.2-ci (dələduzluq) maddəsi ilə cinayət işi açılıb və istintaqın gedişi üçün iş Nərimanov Rayon Polis İdarəsinin istintaq şöbəsinə verilib.

“Kamran Həsənli həbs oluna bilərmi?” sualına isə O. Mansurzadənin cavabı “Bu istintaqın gedişindən asılıdır” deyə olub.

Hüquqşünas Müzəffər Baxış saytımıza açıqlamasında qeyd edib ki, teleaparıcı Kamran Həsənli 12 ilə qədər azadlıqdan məhrum edilə bilər: “ İstintaq orqanı istəsə, Kamran Həsənli həbs olun bilər. Azərbaycan Respublikasının Cinayət Məcəlləsinin 178.3.2 maddəsi dələduzluq, yəni etibardan sui-istifadə etmə və aldatma yolu ilə özgənin əmlakını və əmlak hüquqlarını ələ keçirmədir. Bu cinayətdə şəxsə 7 min manatdan çox zərər dəyibsə, bu külli miqdarda ziyan hesab olunur. Həmin maddədə də 12 ilə qədər azadlıqdan məhrumetmə cəzası nəzərdə tutulub. Cinayət təsnifatına görə ağır cinayətlər kateqoriyasına aiddir. İstintaq orqanı zərurət hesab etsə, Kamran Həsənlinin həbs olunması üçün müstəntiq prokurora müraciət etməlidir. Prokuror da bunu zəruri hesab etsə, məhkəməyə müraciət etməlidir. Məhkəmə teleaparıcı haqda həbs qəti-imkan tədbiri seçə bilər.

Qarşı tərəf K. Həsənlinin həbs olunmasını istəməyə də bilər. Cinayət Məcəlləsinin 154-cü maddəsində 10 qəti-imkan tədbiri nəzərdə tutulub. Kamran Həsənli barəsində digər qəti-imkan tədbirləri seçilə bilər. Məsələn, başqa yerə getməmək barədə iltizam, polisin nəzarəti altına vermə və yaxud da şəxsi zaminliyinə vermə və s. “.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]