BolgeXeber.Com » Xəbərlər » İlhamənin qızılları Beynəlxalq Banka aparıldı – Vəkilindən açıqlama

İlhamənin qızılları Beynəlxalq Banka aparıldı – Vəkilindən açıqlama

17-03-2016, 18:56

Oxunub: 3 981

Xalq artisti, mərhum sənətkar İlhamə Quliyevaya məxsus qızıl-zinnət əşyaları dövlət tərəfindən Beynəlxalq Bankda qorunur

Bu barədə AzNews.az-a mərhumun vəkili Habil Vəliyev məlumat verib. O bildirib ki, qızıl zinnət əşyaları bir neçə gün öncə Bakı Şəhər Baş Prokurorluğunun istintaqçıları tərəfindən Beynəlxalq Banka aparılıb: “Bundan əlavə isə İlhamə xanıma məxsus olan mənzillərin açarı hüquq-mühafizə orqanları tərəfindən oğlu Orxan Nadirova həvalə edilib. Bildirilib ki, İlhamə xanımın yas mərasimlərini, cümə axşamlarını Orxan Nadirov mərhumun öz evində verə bilər”.

Vəkilin sözlərinə görə, yaxın günlərdə İlhamə Quliyevanın bütün mirasının Orxan Nadirov və onun oğlu Ruslan Nadirova məxsus olması sübuta yetiriləcək: “Mən bunu qanuna söykənib deyirəm. Qoy bilsinlər ki, miras üstündə dava getmir. Qohumlar arasında münasibətlər də normaldır”.

Qeyd edək ki, Xalq artisti İlhamə Quliyeva fevralın 25-də dünyasını dəyişib.

Xatırladaq ki, mart ayının 5-də hüquq-mühafizə orqanları tərəfindən İlhamə Quliyevaya məxsus mənzilin açarlarının oğlu Orxan Nadirovdan alındığı, maşınının avtodayanacağa qoyulduğu və bahalı əşyalarınının saxlandığı seyfin isə plomblandığı ilə bağlı məlumat yayılmışdı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]