BolgeXeber.Com » Xəbərlər » Hacıqabulda ümumrayon "Novruz" şənliyi keçirildi-FOTO

Hacıqabulda ümumrayon "Novruz" şənliyi keçirildi-FOTO

18-03-2016, 15:10

Oxunub: 4 779

Yurdumuza “Novruz” əhval-ruhiyyəli bahar gəlir

Yurdumuza xoş müjdəli, bənövşə ətirli, ruhumuzun dirçəldiyi, ovqatımızın yüksəldiyi torpaq qoxulu bahar gəlir.

Özü ilə bizlərə bayramların əzəli və əbədisini, adət və ənənələrin qədimi-Novruz bayramını da bəxş etmişdir.Artıq neçə illərdi ki, bu bayram təntənəli şəkildə qeyd olunur.Mədəni irsimizin böyük hamisi Ulu öndər Heydər Əliyevin Novruz bayramının əsl el şənliyi səviyyəsində keçirilməsində misilsiz xidmətləri vardır.Təbiyyətin oyanışı, həyatın canlanması, ruzi-bərəkət, gözəllik, təravət, rəmzi olan Novruz bayramı münasibəti ilə 18 mart tarixində Hacıqabul rayonunda ümumrayon "Novruz" şənliyi keçirildi.Hacıqabul rayon Heydər Əliyev Mərkəzinin qarşısından başlanan şənlik böyük qələbəlik və çalçağırla əhatə olunmuşdur.Bura toplaşan hər bir Hacıqabullunun çöhrəsində bayram əhval-ruhiyyəsi hiss olunurdu.

Bayram şənliyində çıxış edən İcra Hakimiyyətinin Başçısı Cənab Əhməd Muxtarov Hacıqabulluları Novruzun gəlişi münasibəti ilə təbrik etdi.Rayon Mədəniyyət evinin "Nur" instrumental ansambılı şən musiqilərlə çıxış etdilər.Bayram şənliyi Dədə Qorqud və Bahar qızın xoş arzuları, Kosa və Keçəlin bir-birindən məzəli səhnəcikləri, müğənnilərin ifasında səslənən şən musiqi sədaları altında milli geyimli oğlan və qızların bir birini əvəz edən rəqsləri ilə günün yarısına kimi davam etdi.
Hacıqabulda ümumrayon "Novruz" şənliyi keçirildi-FOTO

Çox Oxunanlar