Bizimlə əlaqə | Reklam
BolgeXeber.Com » Xəbərlər » Ürəkdən gülənlər 80 il, gülməyənlər 73 il yaşayır

Ürəkdən gülənlər 80 il, gülməyənlər 73 il yaşayır

28-03-2016, 12:17
Oxunub: 3 207 Ürəkdən gülənlər 80 il, gülməyənlər 73 il yaşayırÜzündən təbəssüm əskik olmayan insanlar çox yaşayır. Amerika alimləri bu qənaətə gəlib

ABŞ psixoloqlarının bu nəticəyə gəlməsi təsadüfi deyil. Onlar keçən əsrin 50-ci illərindəki 230 idmançının fotoşəklini seçib. Sonra isə bu tədqiqatın məqsədi barədə heç bir məlumatı olmayan könüllülərdən həmin fotoları onlarda əks olunmuş insanların təbəssümünün genişliyi və səmimiliyi üzrə düzməyi xahiş ediblər. Fotoşəkillər üç qrupa bölünüb: ürəkdən gülənlər, süni gülümsəyənlər və gülümsəməyənlər.

Məlum olub ki, gülümsəməyən insanlar orta hesabla 73 il yaşayıb, saxta təbəssüm sahiblərinin orta ömrü 75 yaşdan az olub, səmimi, açıq gülümsəməyi bacaranlar isə 80 il və daha çox yaşayıblar. Bu cür təbəssümdə insanın üzünün bütün əzələləri iştirak edir.

Nikbinliyə, həyatsevərliyə dəlalət edən geniş təbəssüm insanın immun sisteminin, ürəyin, damarların işini yaxşılaşdıran hormonların yaranmasına müsbət təsir göstərərək sağlam qalmağa kömək edir. Həyata bədbin baxışlı insanlar isə çox vaxt müxtəlif virus, mədə-bağırsaq və əsəb xəstəliklərindən əziyyət çəkir. Bu halda gözlərinizin dövrəsindəki qırışlar dərinləşsə də, bu qorxulu deyil. Hər halda uzun ömür xatirinə buna dözmək olar.
musavat.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]