BolgeXeber.Com » Xəbərlər » Füzulidə yas mərasimləri israfçılıqdan kənar, islami qaydalara uygun keçirilir - Fotolar

Füzulidə yas mərasimləri israfçılıqdan kənar, islami qaydalara uygun keçirilir - Fotolar

29-03-2016, 12:04

Oxunub: 2 892

Ötən müddət ərzində insanlar istər şifahi, istərsədə yazılı formada rayon İcra Hakimiyyətinə müraciət edərək öz razılıqlarını bildirirlər

Füzuli rayonunda artıq iki ilə yaxındır ki, yas mərasimləri, ehsan süfrələri təmtəraqdan uzaq, sadə və israf edilmədən islami qaydalara uyğun keçirirlir

Ehsan süfrələrində çay, qənd, halva, yuxa, xurma, su və limon verilməsi məqsədəuyğun sayılır. Rayonun bütün yaşayış məntəqələrində yas mərasimlərində israfçılığın qarşısının alınması, ehsan süfrələrinin sadə, islami qaydalara uyğun keçirilməsi rayon ictimaiyyəti tərəfindən birmənalı olaraq müsbət qarşılanır.

Əhali birmənalı olaraq yas mərasimlərinin bu cür sadə təmtəraqdan uzaq keçirilməsini alqışlayır və dəstəkləyir. Rayonun Axundu Nəriman Nəsirov deyir ki, ehsan məclislərinin təmtəraqdan uzaq, islamı qaydalara uyğun keçirilməsi sadə vətəndaşları maddi cəhətdən də rahatladır.

Bildirir ki, əgər əvvəllər yas sahibi 3, 7, 40 və cümə axşamları üçün orta hesabla 6-8 min manat pul xərcləməli olurdusa, hazırda ehsan məclislərini orta hesabla 400-500 manatla yola vermək olar. Qeyd edir ki, son 1 il 8 ay arzində rayonda 400-ə yaxın yas mərasimi olmuşdur. Həmin yas mərasimlərində ehsan süfrələri sadə, israfçılıqdan uzaq islami qaydalara uyğun keçirilmişdir. Nəticədə orta hesabla rayonda 1,7 - 1,8 milyon manata qənaət olunmuş, həmin vəsaiti vətəndaşlar digər sosial problemlərinə sərf etmişlər.

Ehsan mərhumun ruhu naminə görülən bütün xeyir əməlləri ehtiva edir. Ehsan sadəcə yemək süfrəsindən ibarət deyildir. Vəfat etmiş yaxını üçün ehsan vermək istəyən şəxs həmin yemək üçün xərclənəcək vəsaiti onlarla xeyriyyə işlərinə sərf edə bilər bilər.

Füzuli rayonunda ehsan süfrələrinin sadə, islami qaydalara uyğun, israfçılıqdan kənar keçirilməsi ərazidə aparılan dini maarifləndirmə işləri və bu məsələ ilə bağlı dini hökmlərin tələblərinin əhaliyə düzgün izah olunması ilə mümkün olmuşdur. Bu məsələdə xüsusilə rayonun din xadimləri, ağsaqqallar və ziyalılar insanları dini yöndən maarifləndirir, əhali arasında dini təbliğat işləri aparırlar. İnsanlarda artıq yas mərasimlərinin məhz bu cür israfçılıqdan kənar, sadə islami qaydalara uyğun keçirilməsinin məhz ictimai və sosial sifariş olması qənaəti formalaşıb.

Yas mərasimlərinin keçirilməsi ilə bağlı islamın tələbləri insanlara izah olunur. Bildirilir ki, dini nöqteyi nəzərdən vəfat edən müsəlman üçün vacib olan dörd əməl – qüsl, kəfən, cənazə namazı və dəfndir.
Bolgexeber.com
Füzulidə yas mərasimləri israfçılıqdan kənar, islami qaydalara uygun keçirilir - Fotolar

Çox Oxunanlar