BolgeXeber.Com » Xəbərlər » Şəhid Elşad Abbaszadənin ailəsinə “Hərbi xidmətdə fərqlənməyə görə” medalı təqdim edilib

Şəhid Elşad Abbaszadənin ailəsinə “Hərbi xidmətdə fərqlənməyə görə” medalı təqdim edilib

30-03-2016, 12:57

Oxunub: 3 408 Şəhid Elşad Abbaszadənin ailəsinə “Hərbi xidmətdə fərqlənməyə görə” medalı təqdim edilib

Tərtər rayonunun Kəngərli kəndində martın 25-də qoşunların təmas xəttinin Tərtər rayon istiqamətində şəhid olan Azərbaycan Ordusunun hərbi qulluqçusu, kiçik çavuş Abbaszadə Elşad Raquf oğlunun ailəsinə “Hərbi xidmətdə fərqlənməyə görə” 3-cü dərəcəli medalın təqdim edilməsi mərasimi keçirilib

Bolgexeber.com xəbər verir ki,Müdafiə Nazirliyinin, Tərtər Rayon İcra Hakimiyyətinin, Qarabağ müharibəsi veteranları və əlillərinin, kənd sakinlərinin, məktəblilərin və hərbi qulluqçuların iştirak etdiyi mərasimdə şəhid əsgərlərimizin şücaətindən bəhs olunub, ruhlarına dualar oxunub.
Müdafiə Nazirliyinin zabiti polkovnik Abdulla Qurbani şəhidin ailəsinə başsağlığı verib. Bildirib ki, martın 25-də Ermənistan silahlı qüvvələrinin bölmələri Tərtər rayonu ərazisində qoşunların təmas xəttində təxribat törətməyə cəhd göstərib. Bu istiqamətdə yerləşən bölmələrimizin sayıqlığı nəticəsində düşmənin hərəkəti qabaqcadan aşkar edilərək, qarşısı alınıb. İtkilərə məruz qalan işğalçılar geri çəkilməyə məcbur edilib.
Anım mərasimində Abdulla Qurbani müdafiə naziri, general-polkovnik Zakir Həsənovun əmri ilə “Xidmətdə fərqlənməyə görə” 3-cü dərəcəli medalı şəhidin qardaşına təqdim edib.
Şəhidin atası Raqub Abbasov Vətənə xidmətin hər bir övladın borcu olduğunu deyərək, şəhid oğlu ilə fəxr etdiyini bildirib.
Sonra rayon icra hakimiyyətinin nümayəndəsi Elvin Umudov çıxış edərək şəhidin ailəsinə dərin hüznlə başsağlığı vermiş, tərtərlilərin döyüşlərdə göstərdiyi sücaətlərdən, ordu və xalq birliyindən danışmış və işğal altında olan torpaqlarımızın azad olunması üçün Ali Baş Komandan cənab İlham Əliyevin əmrinə hazır olduqlarını bildirmişdir.
Şəhid Elşad Abbaszadənin ailəsinə “Hərbi xidmətdə fərqlənməyə görə” medalı təqdim edilib

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]