BolgeXeber.Com » Xəbərlər » Göyçayda canavar hücumu- 38 baş qoyun parçalandı

Göyçayda canavar hücumu- 38 baş qoyun parçalandı

1-04-2016, 13:50

Oxunub: 6 002

Ev sahibi yatmış olduğundan hadisədən gec xəbər tutub

Göyçay rayonunda canavarlar 38 baş qoyunu parçalayıb.

Bolgexeber.com APA-ya istinadən xəbər verir ki, hadisə ötən gecə rayonun Yalman kəndində qeydə alınıb.

Kənd sakini Salahov Rəhman Saleh oğluna məxsus qoyunlar gecə saatlarında canavarların hücumuna məruz qalıb. Canavarlar tövlədə olan 22 baş qoyunu parçalayaraq öldürüb, 16 baş qoyuna isə ağır xəsarət yetiriblər. Ev sahibi yatmış olduğundan hadisədən gec xəbər tutub.

Fermerə ümumilikdə 4 min manata yaxın maddi ziyan dəyib. Yaralı qoyunlar baytar həkimlərin nəzarətinə götürülüb. Ölən qoyunlar isə dezinfeksiya edilərək basdırılacaq.

Rəhman Salehov vəhşi heyvanların tez-tez kəndə hücum edərək şəxsi təsərrüfatlara ziyan vurduqlarını deyib.

Kənd sakinləri canavar və caqqalların sayının xeyli artdığını və onların ev heyvanları ilə yanaşı insanlara, azyaşlı uşaqlara da hücum etdiklərini bildiriblər.

Qeyd edək ki, martın 13-də canavarlar Yalman kəndində 25 baş qoyunu, fevralın 18-də isə Ləkçiplaq kəndində 15 baş qoyunu parçalamışdı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]