BolgeXeber.Com » Xəbərlər » Azərbaycan Superkuboku ləğv edilir

Azərbaycan Superkuboku ləğv edilir

8-04-2016, 09:51

Oxunub: 3 232

Futbol üzrə Azərbaycan Superkuboku ləğv edilir

Bolgexeber.com xəbər verir ki, Apasport.az saytının məlumatına görə, qarşıdakı bir neçə ildə Topaz Premyer Liqasının və ölkə kubokunun qalibləri arasında həlledici görüş keçirilməyəcək.

Peşəkar Futbol Liqası (PFL) son illərdə Superkubok matçını keçirməyə nə qədər çalışsa da, təqvimin sıxlığı, həmin ərəfələrdə komandaların avrokubokda iştirakı buna mane olurdu. Hətta ötən ilin qış fasiləsində bu görüşün Türkiyədə keçirilmək ehtimalı da müzakirə edilmişdi.

İndiki məqamda isə Superkubok oyununun baş tutmamağının səbəbi kimi maliyyə imkanlarının məhdudlaşdırılması göstərilir.

İlk dəfə 1993-cü il, fevralın 21-də keçirilmiş Azərbaycan Superkuboku bu vaxta qədər 4 dəfə sahibini tapıb. “Neftçi” 2 dəfə Superkuboku qazandığı halda, “Qarabağ” və “Xəzər Lənkəran” komandaları hərəyə 1 dəfə analoji uğura imza atıblar. Sadəcə, “Neftçi” və “Xəzər Lənkəran”dan fərqli, 1993-cü ildə “Qızıl dubl” etmiş “Qarabağ” oyun keçirmədən təşkilatçılar tərəfindən Superkubokla mükafatlandırılıb.

Qeyd edək ki, Superkubok görüşü sonuncu dəfə isə 2013-cü il, oktyabrın 23-də keçirilib. Naxçıvanda baş tutan həmin qarşılaşmada “Xəzər Lənkəran” “Neftçi”ni üstələyib – 2:1.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]