BolgeXeber.Com » Xəbərlər » Məktəbdən yayınmaya görə valideynin 100 manatlıq cərimə cəzası ləğv edilir

Məktəbdən yayınmaya görə valideynin 100 manatlıq cərimə cəzası ləğv edilir

8-04-2016, 19:38

Oxunub: 3 321 Məktəbdən yayınmaya görə valideynin 100 manatlıq cərimə cəzası ləğv edilir

Cəza ləğv edilir

Azərbaycanda 4 ay əvvəl qüvvəyə minmiş, övladının məktəbə davamiyyətsizliyinə görə valideynin cərimələnməsi nəzərdə tutan cəza ləğv edilir.

Bolgexeber.com xəbər verir ki, Milli Məclisdən APA-ya verilən məlumata görə, bununla bağlı İnzibati Xətalar Məcəlləsinin 189-cu maddəsinin 2-ci bəndinin ləğv edilməsi barədə qanun layihəsi hazırlanıb.

Layihədə bildirilir ki, “Müvafiq icra hakimiyyəti orqanının müəyyən etdiyi səbəblər istisna olmaqla, dünyəvi icbari ümumi оrta təhsil üzrə dərs gününün şagird tərəfindən bir ay ərzində 7 gündən çox buraxılmasına görə valideynlər və ya onları əvəz edən şəxslər yüz manat məbləğində cərimə edilir” məzmunlu bənd ləğv edilir.

Xatırladaq ki, bu bənd 2015-ci ilin dekabrın 2-də həmin vaxt qüvvədə olan İnzibati Xətalar Məcəlləsinə 51.1-1 maddəsi olaraq əlavə edilmişdi.

Bu il martın 1-dən qüvvəyə minən yeni İnzibati Xətalar Məcəlləsində 200-dən çox əlavələrin olması səbəbindən bir sıra maddələrin yeri dəyişdiyi üçün müvafiq bənd də 189.2 maddəsi olaraq təsbit olunub.

Layihə Milli Məclisin aprelin 15-də keçiriləcək iclasında müzakirəyə çıxarılacaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]