Bizimlə əlaqə | Reklam
BolgeXeber.Com » Xəbərlər » Azərbaycanlı iş adamının 25 milyonluq villası plana düşdü

Azərbaycanlı iş adamının 25 milyonluq villası plana düşdü

27-04-2016, 13:12
Oxunub: 3 298 Azərbaycanlı iş adamının 25 milyonluq villası plana düşdüABŞ-da həbs edilən Azərbaycan əsilli iş adamı Rza Zərrabın Türkiyədə 25 milyon dollara aldığı mülk sökülür

AzVision.az-ın Türkiyə mətbuatına istinadən verdiyi xəbərə görə, ötən il korrupsiya və rüşvətxorluq qalmaqalında adı hallanan R. Zərrabın qeyri-qanuni şəkildə satın aldığı tarixi əhəmiyyətli mülklər dövlətin nəzarətinə keçib.

Hazırda həbsdə olan biznesmenin Türkiyənin Kandil vilayətində yerləşən üç mərtəbli villasının söküntüsünə başlanıb. Mülkün qanunsuz tikildiyi iddia edilir.

Məlumatda, həmçinin qeyd olunub ki, Rza Zərrabın Kanlıca bölgəsində 40 milyon dollara satın aldığı tarixi əhəmiyyətli binada da qanunsuz olaraq restovrasiya işləri aparılıb. R. Zərrabın bir-başa göstərişi ilə həminbinaya müasir görünüş verilib.

Həmin binanın növbəti aylarda söküləcəyi qeyd edilib.

Xatırladaq ki, Azərbaycan əsilli iş adamı Rza Zərrab ABŞ-ın Mayami şəhərində həbs olunub. 33 yaşlı milyarder İrana tətbiq olunan sanksiyaları pozaraq ABŞ-ı aldatmaq, bank saxtakarlığı və çirkli pulların yuyulmasında ittiham olunur.

Martın 19-da tutulan R.Zərrab barəsində Mayami məhkəməsi tərəfindən həbs qərarı çıxarılıb. Onunla birlikdə Kamelya Cəmşidi və Hüseyn Nəcəfzadə adlı iki İran vətəndaşı da həbs olunub. Bu ittihamlara görə R.Zərraba 75 il həbs cəzası istənilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]