BolgeXeber.Com » Xəbərlər » "Deltakom"un rəhbərliyinə qarşı ittiham - milyonları necə mənimsəyib?

"Deltakom"un rəhbərliyinə qarşı ittiham - milyonları necə mənimsəyib?

28-04-2016, 09:39

Oxunub: 2 102 "Deltakom"un rəhbərliyinə qarşı ittiham - milyonları necə mənimsəyib?

Bəs iş icraçılarından biri hesab olunan “Deltakom”MMC necə pul qazanırdı?

Mən, Namiq Kərimov, “22” mart 2005 - ci ildən ”AZERCELL” MMC-nin Gəncə bölgəsində “İstismar mühəndisi” (əmək müqaviləsinə əsasən ) vəzifəsində işləməyə başladım. 2007-ci ilin iyul 1-də Azercell MMC-dən işdən çıxarılaraq elə həmin gündən etibarən Azercell MMC-nin nəzdində olan və mərkəzi ofisi Yasamal rayonu, Məhəmməd Naxçivanı küçəsi, ev 4 “A” ünvanda yerləşən “DELTAKOM” MMC-də işləmək üçün yönləndirildim. Və 2011-ci ilə qədər DELTAKOM MMC-də də yenə “istismar mühəndisi” işini görürdüm. 2011-ci ildə DELTAKOM MMC-də vəzifəm dəyişdirilərək “İstismar Qrupunun rəhbəri” vəzifəsinə təyin olundum. Beləliklə, işimin əsas vəzifəsi ondan ibarət idi ki, AZERCELL MMC-nin DELTAKOM MMC-nin öhdəsinə verdiyi saytlarında olan problemlərin aradan qaldırılması işini yerinə yetirirdim.
“29” dekabr 2012 - ci ildə AZERCEL MMC-nin Nəsimi rayonu, Süleyman Rəhimov küçəsi ev 188, mən.4 ünvanında yerləşən 00042 (BAKU-TRAMVAY İdarəsi) saytında baş vermiş problemin aradan qaldırılması üçün Transmissiya qrup rəhbəri Azər Dursunovla birlikdə avadanlıqlar olan konteynerlər və antennalar qarşı-qarşıya dayanan binaların üstünə çıxdıq. Həmin avadanlıq və antennalar bu ikimərtəbəli binların damında yerləşdiyindən binanın üzərində olan konteynerdən çıxan fider kabellərinin qarşıdakı binaya aparılması üçün bu binalar arasında nərdivanabənzər dəmir konstruksiya quraşdırılmışdı. Həmişə olduğu kimi işçilər-mühəndislər bu dəmirlərdən istifadə edərək bu binadan digərinə keçiblər. Lakin bu dəfə gözlənilmədən mən 15 metr hündürlükdən sürüşüb yıxıldım. Nəticədə ciddi kəllə-beyin travması aldım (kəllə sümüyünün bir sıra nayihələrində sınıqlar olmaqla). Sonradan xəstəxanada aparılan müayinələr zamanı sağ körpücük sümüyümdə qəlpəli sınıq aşkar olunmuş, sağ kürək sümüyümün aşağı hissəsində yerini orta dərəcədə dəymiş sınıq izlənilir.
Hadisə ona görə baş verdiki, “Deltakom” MMC-də belə bir faciə baş verənə qədər əməyin təhlükəsizliyi barədə işçilərə hər hansı məlumatlar və təlimatlar verilməmişdir"
Sağ qasıq sümüyündə, sağ oturaq sümüyündə, sağ qılça sümüyünün arxa –medial hissəsində və oma sümüyünün sağ hissəsində orta dərəcədə və az dərəcədə dəymiş sınıqlar aşkar edilməklə mənə əmək xəsarəti yetirilmişdir. Mərkəzi Klinik xəstəxanada sağlamlıq durumum ilkin ağır əməliyyatdan sonra kritik olduğundan 22 gün koma vəziyyətində qalmışam. Klinikadan yalnız ciddi müalicələrdən sonra 2013-cü ilin martında evə buraxılmışam. Beləliklə mənə 2015-ci ilədək 1-ci qrup əlillik dərəcəsi təyin olundu.
Baş vermiş bədbəxt hadisədən 6 ay sonra mən cavabdeh “DELTAKOM” MMC- tərəfindən guya heç nə olmamış kimi öz əvvəlki vəzifəmi yerinə yetirməklə əmək fəaliyyətində olduğum kimi formal sənədləşdirilmiş, əmək haqqı kartıma maaşım həmişəki kimi 2007-2014-cü illər (aprelin 1-dək) ərzində aldığım məvacib ələ çatan 755 AZN ( hesablanan 905 AZN) Azercell-də olduğu kimi mənə ödənilmişdir.
Bundan əlavə, mənə hadisə gününədək qeyri-rəsmi paket maaş da verilmişdir. Lakin faktiki olaraq mənim fəaliyyət qabiliyyətim olmamış, ev şəraitində müalicəmi davam etdirmişəm. Sonradan həqiqətən əmək qabiliyyətimi itirdiyimə görə cavabdeh DELTAKOM MMC ehtiyatlanaraq məni formal qaydada işdə saxlamaq istəməmiş və canını birdəfəlik məndən qurtarmaq üçün “01 ”aprel 2014-cü ildən əmrlə işdən azad etmişdir. Doğrudur, Mərkəzi Kliniki Xəstəxanada tibbi sığorta hesabına müalicəm davam etsə də, Deltakom MMC-nin rəhbərliyi tərəfindən 2700 manata yaxın. Sonra isə Sity Hospitalda kəllə sümüyünün protezləşdirilməsi üçünsə daha 4000 manat əlavə xərc çəkmişlər. Vəssalam. Bundan sonra rəhbərlik sanki işini bitmiş hesab etmiş və mənim sağlamlıq vəziyyətimlə maraqlanmamışlar. Lakin mənim sağlamlığım günü-gündən pisləşməyə doğru gedir. Dəfələrlə, rəhbərliyə müraciət etsəm də onlar mənimlə maraqlanmamışlar. Hazırda sol gözüm görmə və sağ qulağım isə eşitmə qabiliyyətini demək olar ki, itirmək üzrədəir. Artıq əsəblərimi saxlaya bilmirəm. Mən müalicəmi davam etdirmək üçün işlədiyim MMC-yə dəflərlə müraciət etsəm də xeyri olmayıb.Deyirlər ki, 2014-cü ildən sifariş olmadığına görə fəaliyyətimizi müvəqqəti dayandırmışıq, pulumuz yoxdur. Amma pulumuz yoxdur cavabını verməklə gərək Deltakom MMC- rəhbərləri olan Namiq Qocayev və Rüfət Hacıyev heç olmasa mənə deməyəydilər. Axı mən bu sistemdə 7 il vacib vəzifədə işləmişəm. Və azdan-çoxdan məlumatım varki, Deltakom MMC-nin illik dövriyyəsi ən azı 2.5-3.5 milyon manat civarında olmuşdur. Mən xəsis sabiq rəhbərlərimin pul yoxdur arqumentini araşdırmaq qərarına gəldim. Son aylarda işlədiyim kollektiv üzvlərilə apadığım bir sıra müzakirələr zamanı heç özümün də ağlına gəlməyən korrupsiya faktlarının Deltakom MMC-də necə ardıcıllıqla və hansı mexanizmlə davam etməsi nəticəsində qazanılmış “çirkli” milyonların rəhbərlik və onlara “krışalıq” edənlər tərəfindən necə bölüşdürülməsi mənzərəsi tam çılpaqlığıilə üzə çıxdı:
“Deltakom”MMC ölkəmizdə fəaliyyət göstərən ən məşhur mobil operator hesab olunan Azərcellə 2007-2014-cü illərdə ən sıx əməkdaşlıq etmiş bir şirkət olmuşdur.Belə ki, əvvəllər Azərcell ona məxsus saytların fasiləsiz işləməsini, yenilərinin qurulmasını, yenilənməsini, yerlərinin dəyişdirilməsini, sökülməsini, ərazilərdə təmir işlərinin aparılmasını və digər lazım olan işlərin icrasını məşhur ERİCSSON şirkətilə 2007-2011-ci illər üzrə müqavilə bağlayaraq sifarişçi təşkilat kimi çalışmışdır. ERİCSSON şirkəti də AZƏRCELL qarşısında götürdüyü öhdəlikləri yerinə yetirmək üçün VİER və bizim “Deltakom” MMC ilə müqavilələr bağlamışdır. Təbii ki, məhz bu şirkətlər qeyd edilən iş və xidmətləri müqavilə üzrə vaxtında icra etməli idi. Sonradan isə ERİCSSON şirkətini müəmmalı formada Türkiyənin MOBASİS şirkəti əvəz etdi. Bəzi məlumatlara görə MOBASİS Özbəkistanda və Qazaxıstan Respublikalarında gördüyü irimiqyaslı korrupsiya əməllərinə görə bu ölkələrdən didərgin salınmışdır. Hətta İsveçrənin bir şirkəti onu törətdiyi qanunzidd əməllərə görə məhkəməyə də vermişdir. Belə bir qaranlıq keşmişi olan MOBASİS 2011-ci ildə Azərbaycanda peyda olur və dərhal da ən gəlirli Azərcellə müqavilə bağlayaraq fəaliyyətə başlayır. Və yenə də bu şirkət vasitəsilə VİER və “Deltakom” MMC Azərcellin sifarişlərini 2011-2014-cü illər ərzində yerinə yetirmişdir. Mobasis vasitəçi şirkət olaraq görülən işlərə və xidmətlərə görə bütün pul əməliyyatları onun birbaşa iştirakıilə həyata keçirilirdi. 2014-cü ildə Mobasis yenə öz ampulasında qalaraq 2014-cü ildə Qazaxıstanda olduğu kimi heç bir qeydiyyatı, ünvanı olmadan fəaliyyət göstərmiş, külli-miqdarda pul qazanmış və qəfil də qeyb olmuşdur.
Bəs iş icraçılarından biri hesab olunan “Deltakom”MMC necə pul qazanırdı?
1.Öz payına düşən və Azərcellə məxsus 1200 sayta sadəcə fasiləsiz işinə nəzarət etməyə görə hər birindən ayda 200 ABŞ dolları pul almışlar.
2.Yeni saytların qurulması,yəni Azərbaycanın müxtəlif ərazilərində torpaq sahələrinin alınmasına, elektriq xəttinə qoşulması üçün texniki şərtlərin əldə edilməsinə və yeni saytın quraşdırılmasına görə ayrıca şişirdilmiş xidmət haqları hesablanırdı,
3.Saytlarda yenilənmə işlərinin aparılmasına görə (Yəni, 2G,3G, ;G və transmissiyaya görə) yüksək məbləğdə xidmət haqları hesablanırdı,
4.Yerlərin dəyişdirilməsi və saytların sökülməsi işlərinə görə də ayrıca smeta tutulurdu,
5.Hər bir stansiyanın yerləşdiyi torpaq sahəsindən asılı olaraq çoxillik icarə müqaviləsi imzalanırdı ki, bu da ərazinin paytaxtda və ya regionlarda yerləşməsindən asılı olaraq qiymətləndirilirdi.( hər ay 1000-5000AZN olmaqla)
6.Saytların yerləşdiyi ərazilərdə təmir işlərinin görülməsi: Bu bənd üzrə görülən işlərdə külli-miqdarda şişirtmə qiymətlər kağız üzərində rəsmiləşdirilirtdi. Məsələn, sayta gələn kabelin və elektrik dirəklərinin dəyişilməsi üçün zərurət olmadığı halda belə akt yazılırdı ki, guya saytın normal və fasiləsiz işləməsi üçün təmirə və yeni avadanlıqların alınmasına ehtiyac vardır. Və məslən, 4 elektrik dirəyinin dəyişiləsi yerdə sənədə 8-nin dəyişilməsinə və ya yeni sayt yaradılarkən 4 dirək alınası yerdə 9 elekrik dirəyinin alınmasına ehtiyac olması barədə sənədlər tərtib olunaraq Mobasis şirkətinə təqdim edilirdi.Və yaxud guya hansısa stansiyada 12 metr zədələnmiş kabeli 54 metr göstərməklə həmişə dəflərlə artıqlamasıilə pul qazanmağa çalışıblar və 7 il bu əməliyyatları aparmışlar.
7.Hər bir sayta məxsus Azərcellə məxsus FİX generatorlarının təmiri və yanacaqla təmin edilməsi işlərinə görə də “Deltakom” MMC-ayrıca xidməthaqqı almışdır.
Deltakom” MMC-də təxminən 70-90 işçisi əmək fəliyyətilə məşğul olmuş onlara yalnız gün ərzində görülən 10-12 saatlıq iş rejiminə görə əməkhaqqı və onun yarısı həcmində vergilərdən və Sosial Müdafiədən yayınmaq üçün “paket” maaşlar verilirdi. “Deltakomun illik qazandığı gəlir isə 3-5milyon manat civarında ölçülürdü ki, bu “çirkli” pulların çoxunu şirkətə “krışalıq” edən təsisçi və müdir müavini olmuş Rüfət Hacıyevin MTN-də işləyən yüksək vəzifəli zabit qardaşının səmərəsinə əldə edilirdi. Çünki indiki Azərbaycan reallığında belə bir gəlirli müqaviləilə işləmək yalnız və yalnız MTN-nin “dobrosu” ilə mümkün olan bir şeydir ki, bu da təbiiki, nazir Eldar Mahmudovdan xəbərsiz baş verə bilməzdi. Azərcellin və ya Mobasis şirkətlərinin nə həddi ola bilərdi ki, özbaşına başqa bir şirkətlə bu işlərin görülməsi üçün müqavilə bağlaya biləydi.
“Deltakom”MMC bu illər ərzində bu işlərin həyata keçirilməsi üçün ən çox pul qazanmağa hesablanmış variantı isə daha maraqlıdır. Belə ki, Beynəlxalq səviyyədə görülən işlərin qiymətləndirilməsinin standartlaşma cədvəli (AWO) adlanan cədvəl nəzərdə tutulur) ölçüsündən istifadə edilərək dəyişdirilməsi və ya yeni detalın alınması üçün Avropa standartlarına uyğun qiymətlərlə hesablanırdı. Məsələn, 25 metr uzunluğunda fiberoptik kabelin metrəsinin qiyməti (AWO) cədvəlinə görə 50 ABŞ dol. nəzərdə tutulurdusa, “Deltakom” rəhbəliyi 8-ci km bazarından belə kabelin metrəsini 3 manata almaqla külli-miqdarda pul qazana bilirdi. Və bütün alınan mal-materiallar hamısı 7 il ərzində (AWO) siteminə nəzərən hesablanırdı. “Deltakom”un “ağ” və “qara” mühasibatlığına daxil olmuş pulların bölgüsü əsas iki rəhbər şəxs arasında (direktor olmuş Namiq Qocayev və direktor köməkçisi olmuş Rüfət Hacıyev) aparılmışdır. Məsələn, büdcəyə rəsmi daxil olmuş gəlirdən MMC özünə lazım olan 70-ə qədər minik və yük avtomobillərinin, ofis avadanlıqlarının alınmasına, əmək haqlarına və s. yerlərə sərf etmişlər. Hazırda aldıqları avtomobilləri,qurğulları satıb pullarını mənimsəməklə məşğuldurlar.
Hesab etmək olar ki, qanunvericiliyə uyğun olaraq “Deltakom”MMC-nin Nizamnamə kapitalı ən azı 1 milyon manat olub ki, o da ildə 3-5 milyon manat dəyərində olan müqavilələr bağlaya bilmişdir. Bu gün isə əsas rəhbər Rüfət Hacıyev bildirir ki, hazırda MMC-nin fondunda vur-tut 3-4 min manat pul vardır. Halbuki, MMC-lərin borc təminatı onların Nizamnamə kapitalı olmalıdır.
Mən bədbəxt isə aldığım istehsalat xəsarəti nəticəsində 1 % yaşamaq şansım olmuşdur ki, yaxın tanışlarımın Türkiyədən dəvət etdikləri həkimin sayəsində sağ qalmışam. Və bu illər uzunu “təmiz” və “çirkli” milyonlar qazanmış şirkətdən xahiş edirəm ki, 38 yaşımda mənim sağlamlığımın qayğısına bir az qalın ki, yaşaya bilim. İki kiçik yaşlı övladlarıma sadəcə kölgə olum. Uşqalar hiss etməsinlər ki, mən get-gedə həyatdan uzaqlaşıram. Allahtala “Deltakom” MMC-nin milyoner rəhbərlərinə və onların “krışa”larına biraz da olsa insaf vermədi ki, müalicəm üçün yardım göstərsinlər. Odur ki, “Deltakom” MMC-nin 2007-2014-cü illər ərzində yuxarıda sadaladığım faktlar üzrə tərtib etdikləri saxta sənədlərlə gördükləri keyfiyyətsiz işlərin müqabilində qazandıqları milyonlarla manatla ölçülən “çirkli” pulların hesablarını faktlar əsasında vergi, sosial müdafiə və hüquq-mühafizə orqanlarına təqdim etsinlər.
Namiq Rafiq oğlu Kərimov
“Deltakom” MMC-nin 1-ci qrup əlil olmuş sabiq işçisi
"Təzadlar"

Çox Oxunanlar