"Zapravka"larda bizi aldadırlar - rəsmi
5-05-2016, 12:30
Oxunub: 1 991
“Yoxlamaların dayandırılmasından bir sıra sahibkarlar sui-istifadə edir”
Standartlaşdırma, Metrologiya və Patent üzrə Dövlət Komitəsi bir sıra yanacaqdoldurma məntəqələrinin (YDM) fəaliyyətində nöqsanlar aşkarlayıb.
Bolgexeber.com APA-ya istinadən xəbər verir ki, bu barədə jurnalistlərə Standartlaşdırma, Metrologiya və Patent üzrə Dövlət Komitəsinin sədri Ramiz Həsənov bildirib.
“Bəzi yanacaqdoldurma məntəqələri bizim möhürləri qırır. Dövlət qurumunun möhürünü qırmaq olmaz, buna görə cinayət məsuliyyəti nəzərdə tutulub.
Bizim monitorinqlərimiz göstərir ki, bir çox yanacaqdoldurma məntəqələri istehlakçıların, sürücülərin avtomobillərinin çəninə nəzərdə tutulandan xeyli az yanacaq vurur. Bununla bağlı müvafiq sənədlər toplanıb və prokurorluq orqanlarına göndərilib”, - deyə R.Həsənov qeyd edib.
Onun sözlərinə görə, aidiyyati dövlət qurumları tərəfindən sahibkarlıq subyektlərində aparılan yoxlamaların dayandırılmasından bir sıra sahibkarlar sui-istifadə edir:
“Təbii ki, sahibkarlıq subyektlərində aparılan yoxlamaların dayandırılması sahibkarlığın inkişafına ciddi təkan verir. Amma bundan sui-istifadə edənlər də az deyil. Sözsüz ki, bizim qurumun qarşısında duran vəzifələri biz icra edirik.
İstehlak bazarında apardığımız monitorinqlər nəticəsində yararsız məhsullar aşkarlanırsa, biz istehsalçı müəssisəyə getmədən, müvafiq tələbnamə göndərməklə lazımi tədbir görürük. Tələbnamə icra olunmadıqda, müvafiq sənədlər toplanılaraq prokurorluq orqanlarına təqdim olunur”, - deyə R.Həsənov qeyd edib.
www.oxu.az
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər