BolgeXeber.Com » Xəbərlər » Deputatlar Antalyaya gedir - Bu dəfə futbol oynamağa

Deputatlar Antalyaya gedir - Bu dəfə futbol oynamağa

5-05-2016, 16:31

Oxunub: 2 438 Deputatlar Antalyaya gedir - Bu dəfə futbol oynamağa

Mayın 6-9-da Türkiyənin Antalya şəhərində 4 ölkənin - Azərbaycan, Polşa, Ukrayna və Türkiyə parlamentariləri arasında futbol matçı keçiriləcək

Azərbaycan Milli Məclisini təmsil edəcək 20 nəfərdən ibarət komandanın kapitanı parlamentin Gənclər və idman komitəsinin sədri Fuad Muradov olacaq.

Bolgexeber.com modern.az-a istinadən xəbər verir ki, ötən illərlə müqayisədə bu il Milli Məclisi təmsil edəcək komandanın heyətində dəyişiklər olub və yeni deputatların əksəriyyəti bura daxil edilib. Köhnə tərkibdən isə Fazil Mustafa və Zahid Oruc komandada qalıb.

Komandada təmsil olunan yeni üzvlərdən Mahir Abbaszadə Modern.az-a bildirib ki, onlar futbol yarışı üçün məşqlərə başlayıblar.

“10 gün olar ki, məşq edirik. Məşqlərimiz əsasən “Neftçi” klubun bazasında və Tennis Akademiyasının meydançalarında olur. Bizi “Neftçi”nin keçmiş futbolçusu Oqtay Abdullayev hazırlaşdırır. İstəyirik yarışda qalib gələk. Prinsipial yarış olmasa da, qələbə qazanmaq arzusundayır”.
M.Abbaszadə qeyd edib ki, yarışlar mayın 7-də başlayacaq.
“4 oyun keçiriləcək, komandalar iki qrupda yarışacaq. Oyunlar mayın 7-də başlanacaq, mayın 8-də isə final olacaq. Finalda iştirak edənlər 1 və 2-ci yerləri bölüşdürəcək, eyni zamanda 3 və 4-cü yerlər uğrunda mübarizə aparılacaq”.

Komandanın kapitanı Fuad Muradovdur. Deputatlardan Azər Badamov, Fazil Mustafa, Zahid Oruc, Kamran Bayramov, Tahir Mirkişili, Mahir Abbaszadə, Kamran Nəbizadə, Elşad Həsənov və Milli Məclis aparatından 11 nəfərlik heyət komandada təmsil olunur.

Çox Oxunanlar