BolgeXeber.Com » Xəbərlər » Ölkəmizdə akkreditə olunmuş diplomatik korpusun nümayəndələri Tərtər rayonuna səfər ediblər-FOTOLAR

Ölkəmizdə akkreditə olunmuş diplomatik korpusun nümayəndələri Tərtər rayonuna səfər ediblər-FOTOLAR

6-05-2016, 17:45

Oxunub: 2 756

Diplomatlar əvvəlcə Tərtərin Qapanlı kəndinə olublar

Bolgexeber.com bildirir ki,Ermənistan silahlı bölmələrinin yaşayış məntəqələrinə şiddətli artilleriya atəşi nəticəsində mülki əhaliyə dəyən ziyanın nəticələri ilə yerində tanış olmaq üçün ölkəmizdə akkreditə olunmuş diplomatik korpusun nümayəndələri Tərtər rayonunda olublar. Səfər Azərbaycan Xarici İşlər Nazirliyinin (XİN) təşkilatçılığı ilə reallaşıb.
Diplomatlar əvvəlcə Tərtərin Qapanlı kəndinə olublar. Burada onları Tərtər Rayon İcra Hakimiyyətinin başçısı Müstəqim Məmmədov qarşılayıb. M.Məmmədov nümayəndə heyətinə cəbhədə baş verən son atışmalar zamanı dinc əhalinin üzləşdiyi çətinliklər, ermənilərin yaşayış məntəqələrini atəşə tutması nəticəsində yaranan problemlər barədə məlumat verib.
Sonra ermənilərin atdığı mərmilər nəticəsində dağılan evlərə baxış keçirilib.
Diplomatik nümayəndəliklərin rəhbərləri və hərbi attaşelərin daxil olduğu 80-ə yaxın nümayəndənin səfərinin məqsədlərindən biri qoşunların təmas xətti boyunca mövcud vəziyyətin diplomatların təmsil etdikləri ölkələrə obyektiv çatdırılmasının təmin edilməsidir.
Ölkəmizdə akkreditə olunmuş diplomatik korpusun nümayəndələri Tərtər rayonuna səfər ediblər-FOTOLAR

Çox Oxunanlar