BolgeXeber.Com » Xəbərlər » Şamaxıda Heydər Əliyevin xatirəsi yad edildi

Şamaxıda Heydər Əliyevin xatirəsi yad edildi

10-05-2016, 20:38

Oxunub: 3 820

Mayın 10-da Şamaxıda Azərbaycan xalqının Ümummilli lideri Heydər Əliyevin anadan olmasının 93-cü ildönümü münasibətilə mərasim keçirilmişdir

Minlərlə şamaxılı rayonun mərkəzi meydanına gələrək Ulu Öndər Heydər Əliyevin abidəsini ziyarət etmiş, Ulu Öndərə öz hörmət və ehtıramını, ümümxalq məhəbbətini nümayiş etdirmişlər.
Rayon İcra Hakimiyyətinin başçısı Asif Ağayev, rayon rəsmiləri, hüquq-mühafizə orqanlarının, idarə, təhsil, səhiyyə və mədəniyyət müəssisələrinin rəhbərləri, ziyalılar və meydana toplaşan minlərlə şamaxılı Azərbaycan xalqının Ümummillli lideri Heydər Əliyevi hörmətlə anaraq abidəsi önünə tər gül-çiçək dəstələri düzmüşlər.
Mərasim Heydər Əliyev Mərkəzində Ulu Öndərin həyat və fəaliyyətinin müxtəlif illərinin ayrı-ayrı məqamlarını əks etdirən filmin nümayişi ilə davam etdirilmişdir.
Mərasimdən sonra Ulu öndər Heydər Əliyevin anadan olmasının 93-cü ildönümü münasibətilə ümumrayon iməciliyi keçirilmişdir.
Rayon İcra Hakimiyyəti başçısı Aparatının əməkdaşları, rayonun idarə, müəssisə, təşkilatlarının kollektivləri və sakinlərin, təxminən 4350 nəfərin iştirakı ilə keçirilən iməcilik zamanı şəhərin bütün park, bağ və xiyabanlarında, avtomobil yollarının kənarlarında abadlıq və yaşıllaşdırma işləri aparılmış, 2750 ədəd həmişəyaşıl ağac, 2 min ədəddən çox gül və bəzək kolları əkilmişdir.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]