BolgeXeber.Com » Xəbərlər » Cəlilabadda səyyari qəbul görüşləri davam edir-FOTOLAR

Cəlilabadda səyyari qəbul görüşləri davam edir-FOTOLAR

13-05-2016, 09:23

Oxunub: 3 385

İcra başçısı rayonda qazlaşdırma prossesinin çox sürətlə davam etdiyini və bütün kəndlərin ən qısa zamanda qaz xətti ilə təmin olunacağını bildirdi

Cəlilabad Rayon İcra Hakimiyyətinin başçısı Əziz Əzizovun rayonun bütün kəndlərində əhali ilə səyyari qəbul görüşləri davam edir.

Bolgexeber.com xəbər verir ki,növbəti görüş may ayının 12-də Qarakazımlı kəndində keçirildi. Rayonun hüquq-mühafizə orqanlarının və idarə- təşkilat rəhbərlərinin də iştirak etdiyi görüşdə Cəlilabad Rayon İcra Hakimiyyətinin başçısı Əziz Əzizov çıxış edərək səyyari görüş və qəbulların artıq bir ənənəyə çevrildiyini, vətəndaşların şikayət və müraciətlərinə bilavasitə yaşadıqları ərazidə baxılmasının öz müsbət nəticəsini verməsindən, rayonda həyata keçirilən məqsədyönlü tədbirlərdən bəhs etdi . İcra hakimiyyətinin başçısı cənab Əziz Əzizov dövlət başçısının regionların inkişafına göstərdiyi qayğıdan da danışdı.Daha sonra ərazi nümayəndəsi Rafael Mirzəyev nümayəndəliyin tərkibində olan Qarakazımlı , Dələli, Sarxanlı və Moranlı kənd sakinlərinin məşğuliyyəti, burada yaşayan əhalinin mövcud problemləri və il ərzində ərazidə görülən işlər barədə geniş məlumat verdi.

Kənd sakinlərindən Əhmədov Vəkil bütün kəndlərə olduğu kimi Qarakazımlı kəndinə də Prezidentin göstərdiyi qayğıya görə öz minnətdarlığını bildirdi və qeyd etdi ki, kəndə gedən ümumi uzunluğu 34 kilometr olan avtomobil yolunun cənab Prezidentin göstərişi ilə qısa müddət ərzində istifadəyə verilməsi ilə ərazidə yaşayan kənd əhalisinin ən böyük problemi həll olundu. Biz sadə vətəndaşlar buna görə prezidentimizə bir ömür minnətdar qalacağıq. Daha sonra Vəkil Əhmədov kənd daxili evinə gedən yolunda təmir olunmasını xahiş etdi. Vətəndaşın müraciəti ilə əlaqədar İcra başçısı aidiyyatı üzrə öz tapşırığını verdi və mövcud problemin qısa zamanda aradan qaldırılacağını bildirdi.

Kənd sakinlərindən Allahverən Həsənov , Nərgiz İbayev də müraciətlərində işığa olan borca görə elektrik xəttinin kəsildiyini və sayğacdakı xarablığa görə elektrik verilişində problemlərin olduğunu qeyd etdilər. Səyyari qəbulda iştirak edən rayon paylayıcı elektrik şəbəkəsinin müdiri Aydın Məmmədova vətəndaşların müraciətlərinə qısa müddətdə baxılacağını bildirdi.

İcra başçısı rayonda qazlaşdırma prossesinin çox sürətlə davam etdiyini və bütün kəndlərin ən qısa zamanda qaz xətti ilə təmin olunacağını bildirdi.Respublikamızda dinamik inkişafın sürətlə davam etməsindən bəhs edən Əziz Əzizov rayonunun sosial-iqtisadi inkişafının, əhalinin sosial rifah halının yaxşılaşdırılmasının hər zaman Prezidentin diqqət mərkəzində olduğunu qeyd etdi.

Sonda sakinlər bir çox problemlərinin həll olunduğu səyyar qəbuldan razı qaldıqlarını və ölkə rəhbərliyinə dərin minnətdarlıqlarını bildirdilər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]