BolgeXeber.Com » Xəbərlər » Beyləqanlılar Vaqif Abdullayevə ayama qoşdular

Beyləqanlılar Vaqif Abdullayevə ayama qoşdular

18-05-2016, 16:08

Oxunub: 3 053 Beyləqanlılar Vaqif Abdullayevə ayama qoşdular

Rayon camaatı icra başçısına «Tualet kralı» adını veriblər

Beyləqanlılar icra başçısı Vaqif Abdullayevə ayama qoşublar. Bunu Politika.Az-a elə rayon camaatı məlumat verib.

Onların bildirdiyinə görə, əgər əvvəllər Vaqif Abdullayev barəsində söhbət düşəndə ona «başçı», «icra başçısı», «rayon rəhbəri» deyərdilərsə, indi bunların heç birinə gərək qalmayıb. Belə ki, Beyləqan camaatı icra başçısını «Tualet kralı» olaraq təqdim edirlər. Daha doğrusu, bu ifadəni işlətdikdə hamı söhbətin kimindən getdiyini bilir.

Politika.Az xəbər verir ki, Abdullayevin belə bir ayamaya layiq görülməsi səbəbsiz deyil. Belə ki, bu yaxınlarda Beyləqan rayonunda Yaponiyanın ölkəmizdəki səfirliyinin ayırdığı 90 min dollar dəyərində tualetin istifadəyə verilməsi zamanı təmtəraq təşkil olunub. İcra başçısının təkidi ilə bütün məktəb şagirdlərini tualetin ətrafına yığaraq, qırmızı lent kəsiblər. Bu hadisənin Beyləqan İcra Hakimiyyətinin rəsmi saytında işıqlandırılmasından sonra xəbər hər yerə yayılıb. Və böyük bir biabırçılıq yaşanmağa başlayıb. Həmin hadisədən dərhal sonra sosial şəbəkələrdə məsələ aktiv şəkildə müzakirə olunub, Vaqif Abdullayev isə sərt formada tənqid edilib.

Çox Oxunanlar