BolgeXeber.Com » Xəbərlər » Qubada sel körpünü aparıb, kəndlə rayon arasında əlaqə kəsilib - FOTO

Qubada sel körpünü aparıb, kəndlə rayon arasında əlaqə kəsilib - FOTO

20-05-2016, 15:09

Oxunub: 3 873

Quba rayonunun Tülər kəndi ərazisindən keçən Ağ çay üzərində yerləşən körpünü sel aparıb

Bu barədə Tülər kənd icra nümayəndəsi Oktay İsayev məlumat verib.

İcra nümayəndəsi bildirib ki, hər il may ayında çaya sel gəlir və bu sel fəsadsız ötüşmür: "Tülər kəndində 210 fərdi yaşayış evi var və 1 500-dən çox əhali yaşayır. Ötən gecədən başlayaraq, Ağ çayında suyun səviyyəsi artıb və çay daşıb. Nəticədə çayın üzərində yerləşən körpünü sel aparıb. Hazırda kəndlə rayon arasında əlaqə kəsilib. Kəndin 60-dan çox sakini çayın o tayında qalıb, nəqliyyatın hərəkəti məhdudlaşıb".

O.İsayev qeyd edib ki, vəziyyətlə bağlı Qubar Rayon İcra Hakimiyyətinə (RİH) məlumat verilib: "Rayon rəhbərliyinin baş verən hadisə ilə bağlı məlumatı var. Körpünün bərpa olunması üçün rayondan kəndə ağır texnika və canlı qüvvə göndərilib".

("Report")

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]