BolgeXeber.Com » Xəbərlər » Eldar Mahmudov Əhməd Əhmədzadənin 2 milyonunu alıb

Eldar Mahmudov Əhməd Əhmədzadənin 2 milyonunu alıb

2-06-2016, 13:40

Oxunub: 4 876 Eldar Mahmudov Əhməd Əhmədzadənin 2 milyonunu alıb

Sabiq milli təhlükəsizlik naziri Eldar Mahmudovun rəhbəri olduğu nazirlikdə yaratdığı mütəşəkkil cinayətkar dəstənin cinayətləri açılmaqda davam edir

Demək olar ki, hər yeni gündə Eldar Mahmudov və onun dəstəsi barəsində ictimaiyyətə sensasion məlumatlar açıqlanmaqdadır.
MTN-dəki dəstə iş adamlarının əmlakına göz dikməsi, hədə-qorxu, şantaj yolu ilə onları müflis etməsi ilə yanaşı həm də ayrı-ayrı yüksək vəzifəli şəxslərdən də rüşvət alıb. Belə faktlardan biri də Gununsesi.info-ya daxil olub. Saytımızı bilgiləndirən mənbənin sözlərinə görə, Eldar Mahmudov vəzifəsini itirməzdən bir neçə ay əvvəl Meliorasiya və Su Təsərrüfatı Açıq Səhmdar Cəmiyyətinin sədri Əhməd Əhmədzadənin 2 milyon pulunu alıb. Belə ki, Əhməd Əhmədzadə ətrafında əməliyyat hazırlayan MTN rəhbərliyi cəmiyyət sədrini hansısa maliyyə fırıldağında günahlandırmaq istəyib. Bu əməliyyata isə həbs olunduqdan sonra özünü asan MTN Anti- terror Mərkəzinin sabiq rəis müavini İlqar Əliyev rəhbərlik edib.
Çıxılmaz vəziyyətdə qalan Əhməd Əhmədzadə ətrafındakı şəxsləri həbsdən qorumaq üçün tələb olunan 2 milyonu verib.
Məsələ ilə bağlı Meliorasiya və Su Təsərrüfatı Açıq Səhmdar Cəmiyyətinin sədrinin mövqeyini öyrənmək istəsək də buna nail ola bilmədik. Belə ki, Əhməd Əhmədzadənin köməkçisi onun mövqeyini öyrənib, bizə çatdıracağını desə də buna əməl etmədi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]