BolgeXeber.Com » Xəbərlər » Keçmiş nazir 8,5 mln. dolları basdırarkən saxlanılıb

Keçmiş nazir 8,5 mln. dolları basdırarkən saxlanılıb

15-06-2016, 09:46

Oxunub: 2 942

Argentinanın sabiq ictimai işlər naziri Xose Lopes monastırın ərazisində 8,5 mln. dolları basdırmağa çalışarkən polis tərəfindən saxlanılıb

Bolgexeber.com APA-ya istinadən xəbər verir ki, məlumata görə, əraziyə kənar şəxsin daxil olması barədə anonim telefon zəngi əsasında Buenos-Ayresin ətrafında yerləşən monastıra gələn polis əməkdaşları keçmiş naziri qeyri-adi işlə məşğul olduğunu aşkarlayıblar.

Lakin Xose Lopes özünü itirməyib və polis əməkdaşlarına rüşvət verməyə cəhd edib. Bu nömrənin keçmədiyini görən sabiq məmur keşişlərə üz tutaraq, pulu monastıra ianə vermək məqsədilə əraziyə gəldiyini, lakin polisin buna imkan vermədiyini və pulları ondan oğurlamaq istədiyini iddia etməyə başlayıb.

Məlumata görə, Xose Lopes, təxminən 8,5 mln. dollar məbləğində olan və 160 bağlamaya bükülmüş ABŞ dolları, avro, Yaponiya iyeni və Qətər rialı kimi müxtəlif valyutada olan pulları monastırın ərazisində torpağa basdıraraq, gizlətmək istəyirmiş.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]