BolgeXeber.Com » Xəbərlər » Bakının mərkəzində təhlükəli hörümçəklər peyda oldu - FOTO

Bakının mərkəzində təhlükəli hörümçəklər peyda oldu - FOTO

21-06-2016, 16:58

Oxunub: 2 176

Bakının mərkəzi küçələrində təhlükəli hörümçəkkimilər görünüb

Bolgexeber.com xəbər verir ki, bu barədə məlumat sosial istifadəçilər tərəfindən geniş müzakirə edilir.

Bəzi internet istifadəçiləri şəhərdə gəzən falanqaların şəkillərini paylaşıb.

Bakıda yerləşən Təcili Tibbi Yardım stansiyasından Oxu.Az-a bildiriblər ki, hörümçək dişləməsindən şikayət edən olmayıb.

Qeyd edək ki, falanqalar yetərincə iri hörümçəkkimilərdir. Orta Asiya falanqalarının uzunluğu 5-7 sm-dir.

Onların bədəni uzun tükcüklərlə örtülüb. Falanqaların dişləməsi ağrılı olur. Əksər hallarda heç bir ağır nəticə vermir, amma bəzən ağır şişmələrlə müşayiət edilə bilər.

Məsələ ondadır ki, bu hörümçəkkimilərin zəhərli vəzləri yoxdur, ağız uclarında əvvəlki qurbanının qalıqları olur. Bu qalıqlar isə dişləmə zamanı yaraya düşərək zəhərlənməyə səbəb ola bilər.

Çox Oxunanlar