Bizimlə əlaqə | Reklam
BolgeXeber.Com » Xəbərlər » İlhamə Quliyevanın mirası Orxanın əlindən çıxdı? - vəkildən açıqlama

İlhamə Quliyevanın mirası Orxanın əlindən çıxdı? - vəkildən açıqlama

13-07-2016, 12:06
Oxunub: 2 809 İlhamə Quliyevanın mirası Orxanın əlindən çıxdı? - vəkildən açıqlamaMərhum xalq artisti İlhamə Quliyevanın mirasının bacılarına qalması ilə bağlı dayısı oğlu Eldar İsmayılov açıqlama yayıb

Axşam.az-ın məlumatına görə, o, bildirib ki, Yasamal Rayon Məhkəməsinin qərarına əsasən, müğənninin mirası bacıları Gülbahar və İradə arasında bölünəcək.

E.İsmayılovun sözlərinə görə, İ.Quliyevanın oğlu kimi özünü təqdim edən Orxan Nadirovun övladlıq iddiası təmin olunmayıb.

Məsələ ilə bağlı O.Nadirovun vəkili Habil Vəliyev əməkdaşımıza açıqlama verib. O, baş tutan məhkəmədən xəbərsiz olduqlarını deyib:

"Söhbət hansı məhkəmədən gedir - xəbərimiz yoxdur. Biz Yasamal Rayon Məhkəməsində heç bir iddia qaldırmamışıq. Bizim işimizə Səbail rayonunda baxılır. Səbail Rayon Məhkəməsində birinci dərəcəli vərəsəlik iddiası qaldırmışıq. Ola bilsin ki, qarşı tərəf ikinci, üçüncü dərəcəli vərəsəlik iddiası qaldırıb.

Səbail Rayon Məhkəməsi bizim prosesi qeyri-müəyyən vaxta qədər təxirə salıb. Bu, hakimin qərarı idi. Yəni hələ dəqiq olan heç nə yoxdur".

Mirasın xalq artistinin bacıları arasında bölünməsi ilə bağlı suala isə H.Vəliyev gülərək: "Onlar nə danışırlar, bizim xəbərimiz yoxdur", - deyə cavab verib.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]