BolgeXeber.Com » Xəbərlər » Azərbaycan təhsilində biabırçılıq: Pul vermədi deyə, qabiliyyət imtahanından kəsdilər

Azərbaycan təhsilində biabırçılıq: Pul vermədi deyə, qabiliyyət imtahanından kəsdilər

23-07-2016, 19:12

Oxunub: 3 622

"İndi o “açıq bazarı rektor Fuad Hacıyevin başına uçurtmaq mənə borc olsun"

“Qardaşım Mövsüm Novruz oğlu Şahsuvarov dünən Bədən tərbiyəsi və İdman Akademiyasında qabiliyyət imtahanı verib. İmtahan zamanı qaçış, məsafəyə tullanmaq və turnikdə dartınmaq üzrə üç normativ olub. Qaçış və məsafəyə tullanmaq üzrə normativlərin hər biri üzrə qardaşım müvafiq olaraq ilk və ikinci yeri tutub. Turnikdə isə normativ sayılan 11 dəfədən dəfələrlə çox çəkinib. Ancaq bu gün məlum olub ki, Mövsüm qabiliyyət imtahanından keçməyib”.

Bu sözləri Tezis.az saytının baş redaktoru Taleh Şahsuvarlı bildirib.

Taleh Şahsuvarlı bildirib ki, o özü də dünən qabiliyyət imtahanı verərkən qardaşını tək qoymayıb: “Mən digər valideynlərlə yanaşı Akademiyanın həyətində gözləyirdim. Orada açıq bazar söhbətləri gedirdi.

İndi o “açıq bazarı rektor Fuad Hacıyevin başına uçurtmaq mənə borc olsun. İndi Tələbə Qəbulu üzrə quruma müraciət etməyə gedirəm və təkrar imtahan tələb edəcəm. Görək, yüzlərlə abituriyent arasında birinci və ikinci nəticəni göstərmiş, ölkənin ən məşhur klublarından futbol üzrə sertifikatlar almış, Qurban Qurbanov tərəfindən peşəkar futbola cəlb edilmək üçün dəfələrlə təklif almış bir gənci qabiliyyət imtahanından keçirməyənlər kimlərdir?”

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]