BolgeXeber.Com » Xəbərlər » Mikayıl Cabbarovun rüşvətlə mübarizəsi effekt vermir

Mikayıl Cabbarovun rüşvətlə mübarizəsi effekt vermir

26-07-2016, 15:00

Oxunub: 3 114 Mikayıl Cabbarovun rüşvətlə mübarizəsi effekt vermir

279 nömrəli orta məktəbin direktoru Oktay Səmədov 1-ci sinifə qəbulda «yenilik» edib

Mikayıl Cabbarov təhsil naziri vəzifəsinə təyin ediləndən sonra bu sahədə bir sıra dəyişikliklərə imza atdı. Bunlardan biri də 1-ci sinifə qəbulla bağlıdır. Bildiyiniz kimi, nazirliyin keçmiş rəbərliyinin dövründə 1-ci sinifə qəbulla bağlı vəziyyət o qədər də ürəkaçan deyildi. Belə ki, məktəb direktorları övladı 1-ci sinifə gedəcək valideynlərdən mütləq rüşvət almalı idilər. Nazir dəyişəndən sonra isə təhsilin bu sahəsi elektronlaşdırıldı. Ki, rüşvət halları aradan qaldırılsın. Amma hələ də bir sıra neqativ hallar qalmaqdadır. Gundelik-baku.com-a daxil olan məlumatlarda bildirilir ki, paytaxtın Suraxanı rayonu, Yeni Günəşli qəsəbəsində yerləşən 279 nömrəli orta məktəbdə də 1-ci sinifə qəbul məsələsi direktorun əməlli-başlı qazanc mənbəyinə çevrilib. Mikayıl Cabbarovun rüşvətlə mübarizəsi effekt vermir

Mətləbə keçməmişdən öncə qısaca qeyd etmək istəyirik ki, məktəb 1987-ci ildə birtipli lahiyə əsasında tikilib. Layihəyə əsasən şagird tutumu 1170 yerlikdir. Şagirdlərin təlim - tərbiyəsi ilə 109 müəllim məşğul olur. Əldə etdiyimiz məlumatlarda bildirilir ki, təlim-tərbiyə prosesinin aşağı səviyyədə olduğu məktəbdə 1-ci sinifə qəbul direktor Oktay Səmədovun təyin etdiyi «qaydalar» əsasında aparılır: «Valideynlərdən şirinlik adı altında 300-400 manat pul istənilir. Əks təqdirdə, onlara məktəbdə boş yerin olmadığı bildirilir. Valideynlərin əksəriyyəti məcburiyyət qarşısında qalıb direktorun istədiyini verirlər. Oktay müəllimin bu məsələdə daha bir özbaşınalığı xüsusi istedada malik uşaqların vaxtından əvvəl I sinfə qəbulu ilə bağlıdır. O xüsusi istedadlı uşaq adı altında məktəbə yaşı düşməyən bəzi uşaqları nəyinsə müqabilində məktəbə qəbul edir. Təhsil Nazirliyinin Daxili Nəzarət Şöbəsinin əməkdaşları gəlib bu faktı araşdıra bilərlər». Qeyd olunan məsələ ilə bağlı direktorun münasibətini öyrənməyə çalışsaq da, cəhdlərimiz nəticəsiz qaldı. Ümid edirik ki, nazirliyin və Bakı Şəhəri üzrə Təhsil İdarəsinin rəhbərliyi yazılanları tezliklə araşdırıb direktorun barəsində ölçü götürəcəklər. Qarşı tərəfi də dinləyə bilərik.
Mikayıl Cabbarovun rüşvətlə mübarizəsi effekt vermir

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]