BolgeXeber.Com » Xəbərlər » Qaxda film kimi hadisə: İstirahətə getmişdilər, xəstəxanalıq oldular

Qaxda film kimi hadisə: İstirahətə getmişdilər, xəstəxanalıq oldular

27-07-2016, 10:21

Oxunub: 3 190

Qaxda 46 yaşlı kişini ilan sancıb

Bolgexeber.com bildirir ki, Qax Mərkəzi Rayon Xəstəxanasından (RMX) APA-ya verilən məlumata görə, iyulun 26-da, saat 23:30 radələrində Qax şəhəri, Məmmədəli Məmmədov küçəsi ev 15-də yaşayan 1970-ci il təvəllüdlü Əhməd Məmmədyə oğlu Hacıyev ilan sancma xəsarəti ilə, onunla eyni küçədə yaşayan 1986-cı il təvəllüdlü Elşən Yaqub oğlu Musayev isə zəhərlənmə əlamətləri ilə xəstəxanaya daxil olub.

Həkim müayinəsi zamanı məlum olub ki, Əhməd Hacıyev və Elşən Musayev axşam saatlarında Kürmük çayının kənarında istirahət edən zaman ilan qəfildən Əhməd Hacıyevin sol ayağının topuq nahiyəsindən sancıb. İlan sancmasından sonra Elşən Musayev isə Əhməd Hacıyevin ilan sancan nahiyəsindən zəhər bədənə keçməsin deyə sorub.

Bu səbəbdən Elşən Musayevdə qismən zəhərlənmə əlamətləri büruzə verib. Hər iki şəxs xəstəxananın cərrahiyə şöbəsinə yerləşdirilib. Əhməd Hacıyevə lazımi tibbi yardım göstərilib, ilan zəhəri əleyhinə qarşı zərdab vurulub, vəziyyəti orta-ağır qiymətləndirilir. Lazımi tibbi yardım göstərilən Elşən Musayevə ilan zəhərinə qarşı zərdab vurulmasa da, o, həkim nəzarəti altındadır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]