Bizimlə əlaqə | Reklam
BolgeXeber.Com » Xəbərlər » Referendum bülletenlərinin çapına başlanılıb

Referendum bülletenlərinin çapına başlanılıb

8-08-2016, 12:34
Oxunub: 2 934 Referendum bülletenlərinin çapına başlanılıbAzərbaycan Konstitusiyasında dəyişikliklər edilməsi məqsədi ilə 2016-cı il sentyabrın 26-na təyin edilmiş ümumxalq səsverməsi (referendum) ilə əlaqədar bu gün Milli Məclisin mətbəəsində səsvermə bülletenlərinin çapına başlanıb

Bu barədə məlumat Mərkəzi Seçki Komissiyasının mətbuat xidmətindən verilib.

Məlumatda bildirilir ki, tədbirdə Komissiyanın (MSK-nın) sədri Məzahir Pənahov və qurumun üzvləri iştirak edərək səsvermə bülletenlərinin çap olunması prosesi ilə yaxından tanış olublar.

M.Pənahov bildirib ki, referendumla bağlı səsvermə bülletenlərinin mətni, forması, say və hazırlanma qaydalarına dair tələblər MSK tərəfindən müəyyənləşdirilib və 5 milyon 280 min 924 ədəd bülleten çap olunması qərara alınıb.

Səsvermə bülletenləri çap olunaraq qanunvericiliklə müəyyən olunmuş qaydada və müddətdə MSK-dan dairə seçki komissiyalarına və oradan isə məntəqə seçki komissiyalarına veriləcək. Eyni sayda bildiriş də çap olunacaq.

M.Pənahov bildirib ki, ilkin olaraq bülletenlər ucqar dairələrə göndəriləcək.

Bülletenlərin çapı prosesinin mühafizəsi Xüsusi Dövlət Mühafizə Xidməti tərəfindən həyata keçirilir.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]