BolgeXeber.Com » Xəbərlər » “Azərsu” fəhlələrin maaşını kəsdi: Şikayət edəni işdən qovurlar

“Azərsu” fəhlələrin maaşını kəsdi: Şikayət edəni işdən qovurlar

15-09-2016, 09:51

Oxunub: 7 027

"Azərsu” Açıq Səhmdar Cəmiyyəti fəhlələrin maaşını kəsib

Bu barədə "Azərsu”nun işçilərdən biri məlumat verib.İşçinin sözlərinə görə, bir neçə dəfə rəhbərlikdən maaşlarını tələb etsələr də, "büdcədə pul yoxdur” cavabını alıblar:

"Azərsu"da fəhlələrinin maaşını 12% -ni kəsiblər. Bizim işdə qəza bərpa çilingərləri aylıq zəhərli iş üçün 12% maaşa əlavə olunurdu, bu həyatı təhlükəli iş üçün əlavə olunan cəmi 12% maaşı da bizə çox görüblər.

Fəhlə deyib ki, rəhbərlik bundan şikayət edən işçiləri qovmaqla hədələyir: "Səsi çıxan olarsa, işini itirməklə təhdid edirlər. Hər şey od qiymətinə olduğu halda onların maaşlarını kəsiblər. Görəsən heç düşünən yoxdurmu ki, bunlar necə dolansın ?! Biz fəhlə adamlarıq, həyatımızı hər an təhlükə altına atırıq. Bunlar isə bizim maaşımızı da vermirlər".

Şikayətçi həmçinin onu da deyib ki, bu şəraitdə işləmək mümkün deyil və yaxın günlərdə "Azərsu" işçiləri etiraz aksiyaları keçirməyi planlaşdırırlar./azxeber

Çox Oxunanlar